ҰЖЫМДЫҚ ШАРТ – ЕҢБЕК ҚАТЫНАСТАРЫНЫҢ МАҢЫЗДЫ ҚҰРАЛЫ
Жуырда Меркі аудандық білім бөлімі мен аудандық білім қызметкерлерінің кәсіподақ ұйымы арасында ұжымдық келісім шартқа қол қойылып, Жамбыл облысы әкімдігінің Еңбек инспекциясында тіркеуден өтті.
Бұл ұжымдық шарт аудандық кәсіподақ комитетіне мүше 56 білім мекемесі мен ұйымына біріккен 4846 педагог пен қызметкердің қызметіне қолайлы жағдай жасау, олардың еңбек және әлеуметтік кепілдіктерін сақтауды қамтамасыз ету мақсатында жасалды.
- Ұжымдық шарт талаптары ҚР Еңбек кодексінен бастап барлық заңнамалық және нормативтік құқықтық актілерге сәйкес кәсіподақ мүшесі болып табылатын сала қызметкерлерінің әлеуметтік-еңбек құқықтары мен кәсіби мүдделерін қорғауға, оларға қосымша әлеуметтік-экономикалық, құқықтық және кәсіби кепілдіктер, жеңілдіктер мен артықшылықтар, оңтайлы еңбек жағдайларын жасауға бағытталған, - дейді аудандық кәсіподақ ұйымының төрайымы Мадина Асанжанова.
Алдағы 2021-2023 жылдарға жасалған бұл әлеуметтік әріптестік туралы құжат жұмыс беруші мен жұмысшы арасындағы байланысты тереңдетіп, еңбек жағдайларын жасау, қауіпсіздік техникасын сақтау, әлеуметтік кепілдіктер мен жеңілдіктерді ұсынуды көздейді.
С.Ержанова,Меркі ауданы,
Жамбыл облысы
