Әлеуметтік әділеттілік күні аталып өтті
Бүгін Оралдағы «Өрлеу» институтында 20 ақпан – Дүниежүзілік әлеуметтік әділеттілік күніне орай барлық санитарлық талаптар сақталған ұжымдық жиын болып өтті.
Жиынға институт директоры Софья Измуханбетова, институт директорының орынбасары Елдос Сафуллин және ұжым мүшелері қатысты. Алғы сөз алған институт директоры Софья Салахиденқызы әлемдік әділеттілік күні 2009 жылдан бастап атап өтіліп келетінін, бұл күн адамзаттың негізгі құқықтары мен бостандықтарының маңыздылығын ескертетін күн екенін атап өтті.
Сондай-ақ институт директоры Біріккен Ұлттар Ұйымы Бас Ассамблеясының арнайы резолюциясымен 20 ақпан – Әлеуметтік әділеттілік күні деп жарияланып, бұл кедейшілікті жою, еңбекпен толық қамтамасыз ету, лайықты жұмыс тауып беру, ерлер мен әйелдер теңдігін сақтау, әділеттілікті іске асыру принциптері жайында және осы күнді әділдіктің белгісі ретінде ақ түспен белгіленгендігіне тоқталып өтті. Курстан кейінгі сүйемелдеу және инновацияларды енгізу зертханасының меңгерушісі Кулан Дуйсенгалиева адам құқықтарының тең мүмкіндіктері, ынтымақтастығы және оларды құрметтеу ұлттар мен халықтардың өнімді әлеуетін толыққанды игеруі жайында сөз қозғады.
Жиынға қатысушылар атаулы күннің маңыздылығы жөнінде ой- пікірлерімен бөлісті.
-
Фото
-
