КӘСІПОДАҚ ӨКІЛДЕРІ ТҮРКІСТАН ТӨРІНДЕГІ ОҚУШЫЛАР САРАЙЫНДА
Түркістан қалалық білім және ғылым қызметкерлері кәсіподақ комитетінің төрайымы Д.Тұрманова бастаған комитет қызметкерлері Түркістан қаласында жаңадан ашылған Оқушылар сарайына барып, болашақ игілігі үшін қызмет атқарып отырған ұжыммен кездесті. Мекеменің тыныс-тіршілігімен танысып, болашақ ұрпақтарды өнер биігінен көрсетуге баулып жатқан мамандармен пікірлесті.
Көз қуантар ғимараттың сұлу тіршілігі, кең, жарық дайындық бөлмелері бүгінгі заман сұранысымен сәйкестеніп, көңілге қуаныш орнатады.
Көркейген қалада оқушылар үшін арнайы ашылған білім ордасының ұжымына табыс тілеп, кәсіподақ төрайымы Д.Тұрманова әріптестердің алаңсыз еңбек етуіне заңды, моральдық, рухани көмек көрсететін тәуелсіз ұйым, кәсіподақ, сіздермен бірге деп шынайы тілегін жеткізді. Ұжымға естелікке алынған сый-сияпатын тапсырды.
Айта кету керек, Оқушылар сарайының ұжымы Салалық кәсіподақтың Түркістан қалалық білім және ғылым қызметкерлері кәсіподақ комитетінің құрамына қосылды. Игілікті істің басы-қасында жүретін ұйым өкілдері кәсіподақ мүшелерінің мүддесіне бағытталған жұмыстардың жалғаса беретінін жеткізіп, әріптестердің жауапты қызметтеріне сәттілік тілеп тарқасты.
