ҚОСЫМША КЕЛІСІМ – ҰЖЫМДЫҚ ШАРТТЫҢ АЖЫРАМАС БӨЛІГІ
"Қазақстандық салалық білім және ғылым қызметкерлерінің кәсіптік одағының Маңғыстау облыстық ұйымы" ҚБ төрайымы Т.Байымбетова мен Ақтау қалалық кәсіподақ ұйымының төрайымы К.Еңсегенованың ұйымдастыруымен үстіміздегі жылдың ақпан айының 12-16 күні аралығында №15,17 жалпы білім беру орта мектептерінде және білім беру ұйымдарының басшылары арасында ұжымдық шартқа «Қосымша келісім» жасақтау бойынша жиналыс өткізілді.
Шараның мақсаты - ұжымдық шартқа өзгерістер мен толықтырулар енгізуге байланысты бастауыш кәсіподақ ұйымдарына түсіндірме жұмыстарын жүргізу.
Кездесу барысында «Қосымша келісім» Ұжымдық шарттың ажырамас бөлігі екендігі және Ұжымдық шарт еңбек қызметкерлерінің мүдделерін қорғаудағы жұмыс беруші мен жұмыскер арасындағы маңызды құжат екендігі айтылды. Құжатқа енгізілген өзгерістер мен толықтырулар талқыланып, толық түсініктемелер берілді.
Бұдан соң бүгінгі таңдағы кәсіподақ ұйымының жүргізіп жатқан жұмыстары, оның ішінде еңбекақы, еңбек қатынастары, еңбек даулары бойынша шешімін тапқан жұмыстар туралы сөз қозғалып, ұйымның кәсіподақ қызметкерлерінің құқығын қорғаудағы жұмыс жоспарлары ортаға салынды.
К.Еңсегенова,Маңғыстау облыстық кәсіподақ ұйымының
Ақтау қалалық филиалының төрайымы
