Аумақтық ұйымдардың жаңалықтары

Маңғыстау облысы білім және ғылым қызметкерлерінің Жергілікті кәсіподағының Атқару комитетінің кезекті мәжілісінің күн тәртібіндегі мәселелер бойынша облыстық ұйымның 2020 жылғы статистикалық есебі, кірістер мен шығыстар сметасының орындалысы, 2021 жылға арналған «Қазақстандық салалық білім және ғылым ызметкерлері кәсіптік одағының Маңғыстау облыстық ұйымы» ҚБ-і және «Болашақ» кеңесінің жұмыс жоспары, Педагогтарды жеңілдіктермен және кепілдіктермен қамтамасыз етуге қатысты ҚР «Педагог мәртебесі туралы» Заңының ережелерін іске асыру бойынша жұмыс жағдайы туралы, 2021 жылға арналған істер номенклатурасы туралы құқықтық қызметтер жөніндегі бас маман Н.Храмова, бас есепші И.Муха, ұйымдастыру-кадрлық жұмыс бөлімінің мамандары А. Аманиязова, Л.Сарсенғалиевалар сөз сөйледі.

«Қазақстан Республикасы Кәсіподақтар Федерациясы Бас Кеңесінің 2020 жылғы 23 желтоқсандағы № 6.5. «2021 жылды «Кәсіподақтың бастауыш ұйымының жылы» ретінде жариялау туралы» қаулысын және «Қазақстандық салалық білім және ғылым қызметкерлері кәсіптік одағы» ҚБ Атқару комитетінің 22.01. 2021 ж. № 9. 2 т. «Қазақстандық салалық білім және ғылым қызметкерлері кәсіподағының кәсіподақ қызметі туралы «Үздік бейнеролик» Республикалық байқауы туралы» қаулысын жүзеге асыру» бойынша қаулыларды жүзеге асыру шараларымен облыстық қоғамдық бірлестіктің төрағасы Т. Анайбекқызы таныстырды.

Мәжіліс қаулысымен облыстағы Салалық кәсіподақ ұйымдарының филиалдар мен бастауыш кәсіподақ ұйымдарының төрағаларына байқау-сайысқа барлық ұйымдардың белсенді қатысуын қамтамасыз етіп, оларға қажетті ұйымдастырушылық және әдістемелік көмек көрсету тапсырылды. Аталмыш сайыс, Маңғыстау облысы білім және ғылым саласы қызметкерлерінің еңбек және әлеуметтік-экономикалық құқықтары мен мүдделерін қорғау жөніндегі бастауыш кәсіподақ ұйымдарының ұйымдастырушылық қызметін белсендендіріп, күшейтуге бағытталуы тиіс екендігі атап көрсетілді.

Кәсіподақ ұйымдарының байқау-сайысқа дайындалу және қатысу жоспары, облыстық ұйымның байқау-сайысты өткізу жөніндегі ұйымдастыру комитетінің құрамы және байқауға қатысушылар қызметін бағалау өлшемі бекітілді.

Сонымен бірге, «Қазақстандық салалық білім және ғылым қызметкерлері кәсіподағының еңбекті қорғау жөніндегі үздік техникалық инспекторы» Республикалық байқауының 1 кезеңін ұйымдастырып, өткізу мәселесі туралы да сөз қозғалды.

Жиында қаралған мәселелер бойынша қаулыларға сәйкес барлық филиалдарға нақты тапсырмалар берілді. Жиынды қорытындылаған кәсіподақ төрағасы Т.Байымбетова кәсіподақ мүшелерінің қатарын көбейту мен олардың құқықтарын қорғау жұмысында белсенділік танытуға шақырды.