«КІТАП - ТАРИХ, ШЕЖІРЕ»
Қызылорда облысының Қазалы ауданы, Әйтеке би кентіндегі №276 орта мектебінде аудандық білім қызметкерлері кәсіподағының ұйымдастыруымен 14 ақпан — кітап сыйлау күніне орай, «Кітап — тарих, шежіре» тақырыбында дөңгелек үстел өтті. Дөңгелек үстел басына арнайы қонақ ретінде аудандық кітапхананың бөлім меңгерушісі Зоя Мұстафаева мен білім кәсіподағы жанынан құралған «Серпін» жастар кеңесінің мүшелері және білім беру ұйымдарының жас ұстаздары жиналды.
Рухани асыл қазынамыз туралы ойлар ортаға салынып, аталған мерекенің шығу тарихы мен кітап туралы қызықты әрі тың деректер, кітап туралы нақыл сөздер айтылды.
«Кітап маған тақтан да қымбат» деп Шекспир айтқандай, дөңгелек үстел басына жиналғандар бір-бірлеріне кітап сыйлап, мерекенің мәні мен маңыздылығын арттыруға үлестерін қосты.Кездесу соңында барлық қатысушылар рухани азық болғанын айтып, бір-біріне ұсынған кітаптар жайлы, оның маңызы туралы ой бөлісті.
Жақсы кітап – ақылды адамның әңгімесімен бірдей. Кітап – ақылды қуаттандыратын құрал. Сондықтан үнемі ақылымызды қуаттандырып отырайық!
Қызылорда облысы, Қазалы аудандық
білім қызметкерлері кәсіподағы
-
Фото
-
