САЛАЛЫҚ КӘСІПОДАҚ ӨКІЛДЕРІ АЛМАТЫ ОБЛЫСТЫҚ ҰЙЫМЫНЫҢ ЖҰМЫСЫМЕН ТАНЫСТЫ
Қазақстандық салалық білім және ғылым қызметкерлері кәсіподағының өкілдері 2021 жылға арналған жұмыс жоспарына сәйкес Алматы облыстық білім және ғылым қызметкерлері кәсіподақ ұйымының мүшелік базасын нығайту, аудандық қалалық филиалдар мен бастауыш ұйымдардағы жұмыс тиімділігін жоғарлату мақсатында аумақтық ұйымның жұмысымен танысты. Кәсіподақ ұйымының сала қызметкерлеріне құқықтық кеңес беру, түскен арыз-шағымдарды қарау тәсілі, құжаттарды рәсімдеу және т.б. бағыттағы қызметтерін саралап, әдістемелік көмек көрсетті.
Орталық аппарат өкілдері - Салалық кәсіподақ төрағасының орынбасары Ә.Әбиева, құқықтық жұмыстар бөлімінің басшысы Р.Қыдырбаева, ұйымдастыру-кадрлық жұмыстар бөлімінің жетекшісі Е.Иманбаев ұйымның Қаратал аудандық және Текелі қалалық филиалдарына болып, атқарылып жатқан жұмыстармен танысты.
Сонымен қатар аймақтағы бастауыш кәсіподақ ұйымдарымен онлайн форматта кездесу өткізді. Бейнебайланыс режиміндегі жиынды облыстық ұйымның төрағасы М.Төлепбергенов ашты.
Ә.Әбиева салалық ұйым қызметінің басым бағыттарымен таныстырса, Р.Қыдырьбаева қойылған сұрақтарға заң тұрғысында жауап берді.
Кәсіподақ белсенділері кездесуді жоғары бағалап, алғыстарын білдірді.
Алматы облыстық білім және ғылым
қызметкерлері кәсіподақ ұйымының баспасөз қызметі
