ӘЛЕУМЕТТІК ӘРІПТЕСТІК – ТҰРАҚТЫЛЫҚ КЕПІЛІ
Жезқазған аймақтық білім және ғылым қызметкерлері мен жұмыс берушілердің арасындағы еңбек қатынастарын реттеу, олардың құқықтарын қорғау, әлеуметтік тұрақтылық пен қоғамдық келісімді қамтамасыз ету, туындаған еңбек дауларын дер кезінде шешуге ықпал ету мақсатында «Жезқазған аймақтық білім және ғылым қызметкерлерінің жергілікті кәсіптік одағы» қоғамдық бірлестігі мен «Қарағанды облысының білім басқармасы» мемлекеттік мекемесі арасында 2021-2023 жылдарғы арналған әлеуметтік әріптестік жөніндегі келісім жасалды.
Аталған құжатқа «Қарағанды облысының білім басқармасы» мемлекеттік мекемесінің басшысы Г.Ш. Қожахметова және «Жезқазған аймақтық білім және ғылым қызметкерлерінің жергілікті кәсіптік одағы» қоғамдық бірлестігінің төрағасы М.С. Қоңырбаев қол қойды.
Құжат Жезқазған аймағындағы аудан-қалаларда келісімдер мен ұжымдық шарттар жасауға негіз болып табылады.
2021-2023 жылдарға арналған әлеуметтік әріптестік жөніндегі келісім Қазақстан Республикасы Еңбек кодексінің 151-бабына сай Қазақстан Республикасының Еңбек және халықты әлеуметтік қорғау министрлігінде 2021 жылдың 10 ақпаны күні ресми түрде тіркелді.
«Жезқазған аймақтық білім және ғылым
қызметкерлерінің жергілікті кәсіптік одағы» ҚБ
