МЕНІҢ БАСТАУЫШ КӘСІПОДАҚ ҰЙЫМЫМ
Біздің мектептегі бастауыш кәсіподақ ұйымы - барлық ұйым мүшесінің сенімді әлеуметтік серігі, мүдделі тұлғалардың тепе-теңдігін қамтамасыз ететін тірегі. Алматы қаласындағы №59 мектеп-гимназиясының бастауыш кәсіподақ ұйымы - барлық игі бастамалардың күре тамыры десем қателеспеймін. Біз, кәсіподақ ұйымы мүшелері, ҚР еңбек заңнамаларын өз дәрежесінде жүзеге асуын, еңбек келісім-шартындағы тараптардың мүдделерінің қорғалуын қадағалай отырып, педагогтар жалақысын тарифтендіру ісін, кәсіподақ ұйымындағы азаматтардың еңбек қатынастарын, әлеуметтік жағдайын, жұмыспен қамтылуын шынайы қадағалаймыз.
Сонымен қатар, қауіпсіз еңбек жағдайларын қамтамасыз етіп, қажетті санитарлық-гигиеналық талаптардың орындалуын жіті бақылап отырамыз. Арнайы сертификатталған Еңбекті қорғау жөніндегі инспектор М. Ерсариев мектеп әкімшілігімен бірге жоспарға сәйкес нұсқаулық жүргізіп, эпидемиялогиялық жағдайдағы тұрақты қауіпсіздікті қамтамасыз етіп отыр.
Қазіргі уақытта еліміздегі жағдайға сәйкес әлеуметтік көмек көрсетуге мұқтаж кәсіподақ мүшелері – 15 сала қызметкеріне ұжымдық кәсіподақ ұйымынан, денсаулығы бойынша өтініш білдірген 2 педагогке қалалық және жергілігікті, бастауыш кәсіподақ ұйымы есебінен қаржылай қолдау көрсетілді. Кәсіподақ ұйымының ұйымдастырумен жүзеге асатын ұжымдық қаржылай қолдау көрсету ісі ұйым мүшелерін толық қамтиды.
Мен 2017 жылдан кәсіподақ ұйымы төрайымы қызметін атқарамын. Біздің шағын кәсіподақ ұйымында ұжым мүшелерінің мерейтойлары, зейнеткер педагогтардың іс-тәжірибесі, шығармашыл тұлғалардың белсенділігі, үздік бірлестік жетекшілерінің ұйымдастыру ісі, сонымен бірге атаулы мемлекеттік мерекелер аталып өтіп, «Ұстаз» АҚЖКО-ның, аудандық бөлімінің Алғыс хаттарымен, сыйлықтарымен марапатталып отырады. Атап айтсақ, «Алматының жыл мұғалімі» конкурсына қатысқан биология пәні мұғалімі Б.Т.Ибраимоваға және қала ұстаздары арасында өткен «Абай әлемі» онлайн сайысының 3-орын иегері Б.А.Такежановаға қалалық «Ұстаз» кәсіподақ ұйымы сыйақы ұсынып, мұғалімдерімізді тағы да қүантты.
Ұйымның қаржылық қызметі әр жыл сайын бастауыш кәсіподақ ұйымы отырысында ашық көрініс тауып, есеп беріледі. Ұйым мүшелерінің ұсыныстары ескеріліп, жылдық жоспарға енгізіледі. Қәсіподақ біздің қамқоршымыз, қорғанымыз, сенімді серігіміз.
Г.Заманбекова,Алматы қалалық №59 мектеп-гимназиясының кәсіподақ ұйымының төрайымы
