КӨКСУ АУДАНДЫҚ КӘСІПОДАҚ ҰЙЫМЫ Атқару комитетінің отырысын өткізді
Кәсіподақ ұйымдарында жұмыстың бағдарын анықтап, қажетті шешімдер Атқару комитетінде қабылданады. Аталған жиын аудандық, қалалық филиалдар мен облыстық ұйымдарда тоқсанына бір рет ұйымдастырылып, мақсаттар мен міндеттер уақытында пысықталуда.
Осындай жиынның бірін «Алматы облыстық білім және ғылым қызметкерлерінің кәсіподақ ұйымы» ҚБ-нің Көксу аудандық филиалы өткізді.
Құрамында 2287 кәсіподақ мүшесі бар ұйым білім беру мекемелерінің басшылары мен белсенді кәсіподақ мүшелерінің басын қосып, Атқару комитетінің отырысында 2020 жылы атқарған жұмыстың қорытындысын, 2021 жылға аралған жұмыс жоспарын, іс номенклатурасын, бюджетін бекіту туралы мәселелерді қарады.
Көксу аудандық филиалының төрағасы Дина Нүсіпова өткен жылы кәсіподақтың атқарған жұмысын Атқару комитетінің мүшелеріне жан-жақты таныстырды.
Онда бастауыш кәсіподақ ұйымдарында ұжымдық келісім шарт талаптарының орындалуына бақылау жасалғанын, білім беру мекемелерінде еңбек заңнамаларының орындалуы, сала қызметкерлері тарапынан түскен арыз-шағымдардың шешілуі және қаржылық жұмыстардың жүргізілуі, кәсіподақ мүшелерінің сауықтырылуы туралы атқарылған жұмыс ауқымды екенін айтып, алдағы уақытта осы бағыттағы жұмыстар жүргізілетінін жеткізді. Сонымен қатар індеттің құрығына ілінген кәсіподақтың мүшелеріне (15 адам) материалдық көмек көрсетілгеніне тоқталды.
Атқару комитетінің мүшелері күн тәртібіндегі мәселелермен толық танысып, ұсыныстарын білдіріп, пікір алмасты. Қажетті қаулыларды қабылдап, бірлесіп жұмыс істеуге уағдаласты.
Д. Нүсіпова,Көксу аудандық филиалының төрағасы.
Алматы облысы
