ПАНФИЛОВ АУДАНЫНДА АТҚАРУ КОМИТЕТІНІҢ ОТЫРЫСЫ ӨТТІ
Жақында «Алматы облыстық білім және ғылым қызметкерлерінің кәсіподақ ұйымы» қоғамдық бірлестігінің Панфилов аудандық филиалының Атқару комитетінің отырысы өтті.
Жиынды филиал төрағасы М.Тұрлыбеков жүргізіп, комитет мүшелеріне күн тәртібін таныстырды.
Жиында «Алматы облыстық білім және ғылым қызметкерлерінің кәсіподақ ұйымы» қоғамдық бірлестігі Панфилов аудандық филиалының 2020 жылы атқарған жұмыстарының қорытындысы туралы, 2021 жылға арналған жұмыс жоспары, іс-номенклатурасы және аудандық кәсіподақ филиалының бухгалтерлік есебінің жүргізілу барысы сынды мәселелер қаралды.
Өткен жылы Панфилов аудандық филиалы Атқару комитеті отырыстарында: бастауыш кәсіподақ ұйымдарында ұжымдық келісім-шарттың орындалу барысы, қаржылық жұмыстардың жүргізілуі, мектептердің қысқы маусымға дайындықтары туралы есептері тыңдалды. Сонымен қатар кәсіподақ мүшелерінің 13 ұстазына материалдық көмек көрсетілді. Оның ішінде: 9 адамға - COVID-19 және пневмонияға шалдығуына байланысты қажетті дәрі-дәрмектер алуға қаржы бөлінді. Кәсіподақтың барлық бағыттарын қамтитын шаралар бұқаралық ақпарат құралдарында жарық көрді.
Жиын барысында комитет мүшелері С.Асанов, Е.Керейбаев, Ә.Смағұлова індетке байланысты қашықтан оқыту жүйесі туралы өз ойларын білдіріп, карантин режимінің шектеу шаралары әлі де жалғасуына байланысты білім мекемелерінде санитарлық талаптарының сақталуы қажет екендігін айтып өтті.
Атқару комитетінің мүшесі К.Шаяхметов Панфилов аудандық кәсіподақ филиалының 2020 жылы атқарған жұмыстарын жоғары бағалады. Филиалдың бухгалтерлік есебінің жүргізілуі туралы барлық ақпаратпен толықтай танысқанын айтып, кәсіподақ ұйымының негізгі бағыттарын жандандыру үшін бірқатар ұсыныстарын білдірді.
Атқару комитетінің күн тәртібінде бекітілген мәселелер толықтай қаралып, тиісті қаулылар қабылданды.
Ұ.Нұрбай,«Алматы облыстық білім және ғылым
қызметкерлерінің кәсіподақ ұйымы» ҚБ
Панфилов аудандық филиалының маманы,
Алматы облысы
