Мектеп басшысы – қоғам көшбасшысы
«Nur Оtan» партиясынан Маңғыстау облыстық мәслихат депутаттығына өткен Нугаева Зина Орысбайқызын құттықтаймыз!
Депутат болу- халық аманатын арқалау.
Аманатқа қиянат жасамай, өте мән беріп қарайтын әріптесіміз Нугаева Зина Орысбайқызының халық қамын ойлайтын халық қалаулысы болатынына сенімдіміз. Зина Орысбайқызы Нугаева «Педагог-шебер» біліктілік санаттағы ұстаз, 2007 жылы «Nur Otan» партиясының және 1984 жылдан бері кәсіподақ ұйымының белсенді мүшесі атанып келеді.
Өзінің басқарып отырған мектеп-гимназия ұжымында білікті басшы, кәсіподақ ұйымын әлеуметтік әріптес ретінде қолдап жүрген серіктесіміз.
Сонымен қатар, Жаңаөзен қаласы әкімдігінің «Білім үздігі – 2019» номинацияның жеңімпазы. 2019 ж. «Білім беру ісінің құрметті қызметкері» атағын иемденіп, «Маңғыстау облысына 40 жыл», «Жаңаөзен қаласына 50 жыл» мерекелік төсбелгілерімен марапатталды.
«Нұр Отан» партиясының белсенді мүшесі. «Мәңгілік» БПҰ төрайымы. «PRIMARIES 2020» Елбасы, «Nur Otan» партиясының Төрағасы Н.Ә.Назарбаевтың бастамасымен Қазақстанда жалпыұлттық деңгейде тұңғыш рет өткен партияның сайлауалды іріктеуіне белсенді атсалысқаны үшін «Nur Otan» партиясы Маңғыстау облыстық филиалының төрағасы С.Трұмовтың Алғыс хатымен марапатталды.
Іскер басшы халық үшін көп іс бітіре алады. Бұған оның толық мүмкіндігі бар. Тек ол үшін елім деп соғар үлкен жүрек керек.
Өз қызметін адал атқарып келе жатқан Зина Орысбайқызына сәттілік тілейміз!
Құрметпен, Мухашева Райыс Сарсенқызы,
Салалық білім және ғылым қызметкерлері кәсіподағының
Маңғыстау облыстық ұйымының Жаңаөзен қаласындағы филиалының төрайымы
