ҮЗДІК ӘДІСКЕРЛЕР АНЫҚТАЛДЫ
Ағымдағы жылдың 25 желтоқсан күні Атырау облыстық Әдістемелік орталығында Техникалық және кәсіптік білім беру ұйымдары әдіскерлері арасындағы «Үздік колледж әдіскері – 2020» облыстық онлайн байқауы өтті. Сайыстың шымылдығын облыстық Білім беру басқарма басшысының орынбасары
Е.Ж. Хамзин кіріспе сөз сөйлеп ашып, байқаудың мақсат-міндеттеріне тоқталды, жарысқа қатысушыларға сәттілік тіледі. Қазылар алқасының шешімімен бірінші орынды – М.О. Ермуханова (С.Мұқашев атындағы Атырау политехникалық колледжісінің әдіскері), екінші орынды – А.С.Есқалиева (О.Көшеков атындағы Атырау аграрлы-техникалық колледж әдіскері) және үшінші орынды – М.Н. Хайруллина (Атырау энергетика және құрылыс колледжісі әдіскері) иеленді.
Жеңімпаздарды «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ төрағасы Қ.Сүндетұлы құттықтап, сыйлық-сертификаттарын табыс етті.
С.ҚАПСИХОВА,
«Ұстаздық еңбек»
-
Фото
-
