АҚТӨБЕ ОБЛЫСТЫҚ ҰЙЫМЫ ЖЫЛДЫ ҚОРЫТЫНДЫЛАДЫ
Ақтөбе облыстық білім және ғылым қызметкерлері кәсіподақ ұйымы атқару комитетінің кеңесі өтті. 2020 жылдың қорытынды отырысына бірлестік төрайымы Р.Серікова, аудандық және бастауыш кәсіподақ ұйымдарының көшбасшылары қатысты.
«2020 жыл күллі жаһан жұрты үшін сын-қатерге толы жыл болды. Дүние жүзін дүр сілкіндірген қатерлі індет бізді де айналып өтпеді. Өкінішке қарай, ағарту саласының да бірқатар саңлағы өмірден озды. Білім беру жүйесі бұрын-соңды болмаған өзгерістермен бетпе-бет кездесті. Соған қарамастан, біздің педагогтарымыз онлайн форматта қашықтан білім беріп, жаңа жүйені жатсынбай қабылдады. Қиындықты еңсеріп, нәтижелі еңбек еткендеріңіз үшін алғысымды білдіремін»,- деді Раушан Серікқызы.
Жиында 2020 жылы атқарылған жұмыстар қорытындыланып, жаңа жылға жаңа міндеттер қойылды. Алдағы уақытта атқарылатын жоба-жоспарлар жан-жақты талқыланды. Қаржылық жұмыстарды жүргізудің ережесі түсіндірілді.
-
Фото
-
