ОБСС ӨКІЛДЕРІНІҢ САПАРЫ
Елімізде келесі жылы 10 қаңтар күні Парламент Мәжілісі депутаттарының кезекті сайлауы өтетіні белгілі. Соған орай ОБСС-нің бақылаушылары Бен Джонс пен Сара Маццали Атырау облыстық Кәсіподақтар үйінде жергілікті салалық кәсіподақ ұйым жетекшілерімен кездесу өткізді. Кездесуде шетелдік меймандар парламенттік сайлаудың ерекшеліктері, кәсіподақ мүшелерінің қоғамдық-саяси өмірге қатысуы, саяси партияларға көзқарастары, үгіт-насихат жұмыстарының жүргізілуіне және т.б. төңірігінде сұрақтарға жауап алды. Өз кезегінде сөз алған кәсіподақ бірлестіктерінің жетекшілері Е.Ұзақбай, Қ.Сүндетұлы аталмыш сайлаудың әр кәсіподақ мүшесі үшін маңызды екеніне тоқталып, жауапкершілікпен қатысатындығын атап өтті.
«Ұстаздық еңбек»
