КӘСІПОДАҚ БЕЛСЕНДІЛЕРІНІҢ ЕҢБЕГІ БАҒАЛАНДЫ
2020 жылдың 15 желтоқсанында Жезқазған аумақтық білім және ғылым қызметкерлерінің жергілікті кәсіптік одағының төрағасы Марат Қоңырбаев Қазақстан Республикасының Тәуелсіздік күні мерекесі қарсаңында еңбек адамының мүддесін қорғап, кәсіподақ қозғалысын дамытудағы ұзақ жылғы жемісті еңбегі үшін Жезқазған аумақтық білім және ғылым қызметкерлерінің жергілікті кәсіптік одағының заңгері Дархан Жақыпбек пен Жезқазған қалалық білім қызметкерлерінің кәсіподақ ұйымының төрайымы Ләззат Күнеділованы Қазақстан Республикасы Кәсіподақтар Федерациясының Алғыс хатымен марапаттады.
Сонымен қатар, білім жүйесіндегі көп жылғы адал еңбегі, өскелең ұрпаққа өнегелі тәрбие мен сапалы білім берудегі шығармашылық жетістіктері және кәсіподақ қозғалысының дамуына қосқан үлесі үшін Жезқазған қаласының бірқатар білім беру ұйымдарының қызметкерлері, соның ішінде Жезқазған қаласы білім бөлімінің басшысы – әлеуметтік әріптестер Әлмағанбетова Жеңіс Едігеұлы, Жезқазған қаласы білім бөлімінің №1 ЖОББМ-нің басшысы Досанов Әбдірахман Мұхамеджанұлы, Жезқазған қаласы білім бөлімінің әдіскері Бірмағанбетов Дуйсенбек Әбдісалықұлы, №3 «Балбөбек» бөбекжайының басшысы Қадырбаева Альмира Қырғызбайқызы, №8 гимназияның мұғалімі, бастауыш кәсіподақ ұйымының төрайымы Ахметова Айгүл Базылкаримқызы, №3 ЖОББМ-нің бастауыш кәсіподақ ұйымының төрайымы Дашенко Галина Александровна, №3 ЖОББМ-нің басшысы Болатбекова Жанна Жаңабайқызы, №26 гимназияның бастауыш кәсіподақ ұйымының төрайымы Панина Татьяна Владимировна, Малшыбай ауылы №15НОМ-нің бастауыш кәсіподақ ұйымының төрайымы Толқынбекова Рауия Хамзиқызы «Қазақстандық салалық білім және ғылым қызметкерлерінің кәсіптік одағы» ҚБ-нің «Білім және ғылым қызметкерлерінің кәсіподағына сіңірген еңбегі үшін» төсбелгісімен марапатталды.
Жезқазған аумақтық білім және ғылым
қызметкерлерінің жергілікті кәсіптік одағы
-
Фото
-
