«ТҰРАҚТЫЛЫҚ ПЕН ИГІЛІКТІҢ ЖЕМІСІ – ЕҢБЕК»
Қазақстан халқы Ассамблеясы ғимаратында Батыс Қазақстан облыстық білім және ғылым қызметкерлері кәсіподағының ұйымдастыруымен «Тұрақтылық пен игіліктің жемісі – Еңбек» атты салтанатты марапаттау мерекелік шарасы өткізілді.
Кәсіподақ– тұрақтылық тірегі, әлеуметтік еңбек қатынастарының арқауы. Жаңа белестерден көрінген бүгінгі кәсіподақтар ел экономикасын өркендетуде, әлеуметтік, саяси тұрақтылықты қамтамасыз етуде ықпалы күшті қоғамдық ұйымға айналуда.
Батыс Қазақстан облыстық аумақтық кәсіподақ орталығының төрайымы Айгүл Есекенова шараға қатысушыларды Тәуелсіздік күнімен құттықтап, БҚО, Жаңақала аудандық кәсіподақ ұйымының төрағасы Жастілек Қайрекешовты, Жәнібек аудандық кәсіподақ ұйымының төрайымы Аққу Нұрғалиеваны, қалалық № 1 ЖОББМ директоры Төлеген Темешовты Қазақстан Республикасы Кәсіподақтар Федерациясының Құрмет грамотасымен марапаттады.
Мерекелік шарада Салалық кәсіподақтың БҚО ұйымының төрағасы Марат Даупаев құттықтау сөз сөйлеп, Орал қалалық № 9 ЖОББМ бастауыш кәсіподақ ұйымының төрайымы, ағылшын тілі пәнінің мұғалімі Елена Коломицкаяға Батыс Қазақстан облысы әкімінің Алғыс хатын табыстады.
Сонымен қатар, бірқатар зейнеткер ұстаздар және қалалық № 2 ЖОББМ директоры Алима Туреғалиеваға, № 40 ЖОББМ директоры Мақсот Ғалиевке, Теректі аудандық кәсіподақ ұйымының төрайымы Ұлдай Сарсеноваға, Бәйтерек аудандық кәсіподақ ұйымының төрағасы Серік Дусалиевке «Білім және ғылым қызметкерлерінің кәсіподағына сіңірген еңбегі үшін» төсбелгісі табыс етілді. № 37 ЖОББМ мектеп директоры Тамара Мурадимова, Батыс Қазақстан облысының велосипед спортының атқарушы директоры Виталий Мазуренко Қазақстандық салалық білім және ғылым қызметкерлері кәсіптік одағының Құрмет грамотасымен марапатталды.
Кәсіподақтың Атқару комитетінің мүшесі, Өрлеу біліктілікті арттыру ұлттық орталығы» АҚ филиалы «БҚО бойынша педагогикалық қызметкерлердің біліктілігін арттыру институтының» директоры Софья Ізмұхамбетова № 14 ЖОББМ директоры Талғат Даулетовке, № 44 мектеп – гимназиясының бастауыш кәсіподақ ұйымының төрайымы Құралай Темірбаеваға, Дарынды балаларға арналған мамандандырылған № 8 облыстық мектебінің кәсіподақ ұйымының төрайымы Елена Канатоваға, Бөрлі аудандық кәсіподақ ұйымының төрайымы Асел Имашеваға Білім және ғылым министрлігінің Құрмет грамотасын табыс етті.
Ал, Кәсіподақтың Атқару комитетінің мүшесі, Жоғары аграрлық – техникалық колледжінің директоры, Батыс Қазақстан облыстық техникалық және кәсіптік білім беру ұйымдары директорлар кеңесінің төрағасы Серік Мухамбеталиев М.Өтемісов атындағы Батыс Қазақстан университетінің хореография және мәдени – тынығу жұмысы кафедрасының меңгерушісі, өнертану ғылымдарының кандидаты Қарлығаш Айткалиеваны, оқу үрдісін жоспарлау және ұйымдастыру бөлімінің жетекшісі Салауат Кажиахметовты, Тарих, экономика және құқық факультеті деканының орынбасары Нұршат Майманованы, Құрманғазы атындағы саз колледжі «Музыкалық блок» бөлімінің меңгерушісі Айымгүл Ахметованы, «Мұрагер» бөбекжайының әдіскері Бибігүл Тажібаеваны, № 48 ЖОББМ орыс тілі және әдебиеті пәні мұғалімі Гүлнара Абуованы БҚО білім және ғылым кәсіподақ ұйымының Құрмет грамотасымен марапаттады.
Мереке қарсаңында тәуелсіз еліміздің одан әрі өркендеп, алға басуына өз еңбегін сіңіріп, қомақты үлесін қосып жүрген білім саласының бүгінгі марапат иелеріне Батыс Қазақстан облыстық білім және ғылым қызметкерлері кәсіподағы тарапынан гүл шоқтары мен естелік сыйлықтары берілді.
БАТЫС ҚАЗАҚСТАН ОБЛЫСТЫҚ БІЛІМ ЖӘНЕ
ҒЫЛЫМ ҚЫЗМЕТКЕРЛЕРІ КӘСІПОДАҒЫ
-
Фото
-
