ҰСТАЗҒА ҚҰРМЕТ – ҰРПАҚҚА МІНДЕТ
ҚР Тәуелсіздік күні қарсаңында сала қызметкерлерінің еңбегіне лайықты баға беріп, құрметтеу ісі жалғасып жатыр.
Еліміздің білім беру саласын жетілдіруде өзінің іскерлік қабілетін, өмірлік тәжірибесін сарқа жұмсап, ұрпақ тәрбиесі мен кемел келешек үшін өлшеусіз зор үлес қосқан Ақтөбе облысының, Ойыл аудандық педагогикалық-психологиялық түзету кабинетінің меңгерушісі Алманиязова Айжан Ақжарыққызы зейнеткерлік жасқа толды. Ұлағатқа толы еңбек жолында ұстаз талай шәкіртті білім нәрімен сусындатты. Олардың ішінде ғалым да, дана да, дара да, қоғам қайраткері де, ар-ұжданы биік азамат та бар.
Айжан Ақжарыққызын зейнеткерлік жасқа толуына байланысты Ойыл ауданының әкімшілігі құттықтаса, аудандық кәсіподақ ұйымы ардагер ұстазға шипажайға жолдама табыс етті. Бейнеттің зейнетін көріңіз, аяулы ұстаз!
-
Фото
-
