АРДАГЕР ҰСТАЗ ҰЛЫҚТАЛДЫ
Ағымдағы жылдың 14 желтоқсан күні Атырау облысы, Махамбет ауданы Есбол орта мектебінде ардагер ұстаз Зәру Әтеноваға «Махамбет ауданының Құрметті азаматы» атағын табыс ету рәсімі өтті.
Тәуелсіздік күні қарсаңында өткізілген шараны селолық округ әкімі М.Әділғалиев қысқаша сөз сөйлеп ашты. Махамбет аудандық мәслихатының хатшысы М.Мырзашев 2020 жылғы 9 желтоқсан күні өткен № 473 сессия шешімімен таныстырып, Зәру Әтеноваға арнайы куәлік пен төс белгісін табыс етті.
Игілікті іске бастамашыл болған «Қазақстандық салалық білім және ғылым қызметкерлері кәсіптік одағының Атырау облыстық ұйымы» ҚБ төрағасы Қ.Сүндетұлы марапат иесін құттықтап, кәсіподақтың арнайы сый-сияпатын ұсынды. Ардагерді мектеп директоры Ф.Тюрина, ауылдық ардагерлер кеңесінің төрағасы А.Салтанов, шәкірті, ардагер Ж.Төгелбаевтар да құттықтады.
Э.Салихова,Есбол орта мектебі бастауыш кәсіподақ ұйымының төрайымы,
Атырау облысы
-
Фото
-
