Аумақтық ұйымдардың жаңалықтары

Халықаралық сыбайлас жемқорлыққа қарсы күрес күніне орай Тараз қаласындағы «Достық» үйінде «Сыбайлас жемқорлықсыз ел – өркендеуші ел» форумы болып өтті. Форумға облыс әкімінің орынбасары Талғат Мамаев, ҚР Сыбайлас жемқорлыққа қарсы іс-қимыл агенттігінің облыс бойынша Департамент басшысы Әділхан Әшірбаев, мекеме басшылары мен қоғам белсенділері, БАҚ өкілдері қатысты.
Облыс әкімінің орынбасары Талғат Мамаевтың құттықтау сөзінен кейін департаментбасшысы Әділхан Әшірбаев адалық, әділдік қағидаттарын насихаттап, жемқорлыққа қарсы мәдениет қалыптастыру мақсатында жыл бойы өткен іс-шаралардың есебін баяндады. Форумда «Жаңару» сыбайлас жемқорлыққа қарсы жалпыұлттық қозғалысының облыстағы төрағасы Қ.Төлендиев, облыстық білім басқармасының басшысы Г.Қожабергенова, Дулати университетінің бірінші проректоры Е.Әмірбекұлы, облыстық әділет департаментінің басшысы Е.Алтынбеков сөз сөйлеп, пікір білдірді.

Форум соңында жемқорлықсыз әділетті қоғам құруға атсалысып, жемқорлыққа қарсы мәдениетті қалыптастыруға қосқан үлесі үшін бірқатар азаматтар марапатталды. Олардың қатарында облыс әкімдігі білім басқармасы басшысының орынбасары - Ж.Елеуова, Жамбыл облысы білім және ғылым қызметкерлерінің жергілікті кәсіподағының төрағасы – Е.Мағзымбеков, Н.Тілендиев атындағы мектеп-интернатының директоры – Э.Жақсылықова, Байзақ аудандық Ғ.Мұратбаев атындағы гимназияның директоры – М.Нәметқұлов бар.
Сондай-ақ, форум барысында «Адал еңбектің жарқын бейнесі» тақырыбында өткен жас суретшілер байқауының жеңімпазы - Жамбыл ауданы Амангелді атындағы орта мектебінің 8-сынып оқушысы Н.Амантау, «Сыбайлас жемқорлық біз үшін жат» акциясы аясындағы креативті видео түсірген – Тараз қаласындағы №32 орта мектебінің оқушысы О.Ағатаев марапатталды. «Жемқорлыққа қарсы үздік сынып» байқауына облыстың барлық аймағынан 4073 сынып қатысқан болса, қазылар алқасының шешімімен Жамбыл ауданы, Ю.Гагарин атындағы мектеп-лицейінің 4 «Б» сыныбы «Үздік сынып» ретінде танылып, марапатталды.