СЫР ҰСТАЗДАРЫ МАРАПАТТАЛДЫ
ҚР Тәуелсіздік күні қарсаңында Қызылорда облысының Шиелі, Жаңақорған және Арал аудандарында білім саласының ардагерлері мен қызметкерлері марапатталды.
Әлеуметтік әріптестік аясында жыл көлемінде білім беру үдерісінде үздік жұмыстарымен танылған білім беру ұйымдары «Жаңа идеялар жаршысы», «Ынтымағы жарасқан ұжым» , ұжымда барлық қызметкерлері 1 бірлік және одан жоғары оқу жүктемесімен қамтылған мектеп басшылары «Үздік әлеуметтік әріптес» номинациясына лайық деп танылды.
Ұзақ жылдар бойы кәсіподақ қозғалысын дамытуға белсенді қызмет еткен кәсіподақ көшбасшыларына «Білім қызметкерлерінің кәсіподағына сіңірген еңбегі үшін» төсбелгісі табысталды.
Әлеуметтік әріптестік аясында марапатталған білім беру ұйымдарына Салалық кәсіподақтың Құрмет грамоталары, Алғыс хаттары, сыйлық ретінде Canon mf 3010 3в1 принтерлері табысталды.
Ұлық мереке қарсаңында марапатталған барша ұстаздарды құттықтаймыз.
Айта кетейік, Салалық кәсіподақтың Қызылорда облыстық ұйымы өңірдегі барлық аудандарда сала қызметкерлерін осылай марапаттауды жоспарлап отыр.
-
Фото
-
