«ҮЗДІК ЖАСТАР КЕҢЕСІ»
Қызылорда облыстық білім қызметкерлері кәсіподағы жастар саясатын жүзеге асыру, жастар кеңесінің білім беру саласындағы үздік жұмыстарын, белсенделігін, бірлескен жұмыс нәтижелерін насихаттау, білім саласы қызметкерлері арасынан жас ұстаздардың кадрлық резервін қалыптастыру, көшбасшылық деңгейінің артуына ықпал жасау мақсатында ұйымдастырылған облыстық «Үздік Жастар Кеңесі» байқауының жеңімпазын марапаттау жиынын өткізді.
Байқауға «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтының аға оқытушысы Ж.Жұбауова, Қызылорда Облыстық Оқу Орталығының әдіскері Ж.Сыздықова, «Jas Otan» Жастар қанаты Қызылорда облыстық филиалының төрағасы А.Қардашов қазылық етті.
НӘТИЖЕСІНДЕ:
«Ең үздік Жастар Кеңесі» номинациясымен Қазалы ауданы "СЕРПІН" Жастар Кеңесі;
«Креативті ойдың ордасы» номинациясымен Қызылорда қаласы "ЖАС ОРДА " Жастар Кеңесі;
«Ұшқыр ойдың жебелері» номинациясымен Жаңақорған ауданы "ЖАҢА ТОЛҚЫН" Жастар Кеңесі; «Тың идея шеберлері» номинациясымен Арал ауданы "ЖАС ТОЛҚЫН" Жастар Кеңесі;
«Зерделі жастар» номинациясымен Шиелі ауданы "САМҒАУ" Жастар Кеңесі;
«Жасампаздық жаршылары» номинациясымен Қармақшы ауданы "ЖАС ҚАНАТ" Жастар Кеңесі;
«Ұйымшылдық үлгісі» номинациясымен Сырдария ауданы "СЫРДАРИЯ" Жастар Кеңесі;
«Тағылымды жастар» номинациясымен Жалағаш ауданы "ЖАЛЫН" Жастар Кеңесі марапатталды.
Барлық марапат иелерін шын жүректен құттықтаймыз. Жасампаз, жалынды Сыр өңірінің жас ұстаздарының бірлігі мығым, алар асуы биік болсын!
-
Фото
-
