АТҚАРУ КОМИТЕТІНІҢ ОТЫРЫСЫ ӨТТІ
Жамбыл облысы білім және ғылым қызметкерлерінің жергілікті кәсіптік одағының іргелі мүшелік ұйымдарының – бірі Кәсіподақтың Байзақ аудандық комитеті. Жуырда аудандық комитеттің төрағасы Е.Ермековтың төрағалығымен аудандық кәсіподақ комитетінің Атқару комитетінің кезекті отырысы өтті.
Санитарлық талаптардың сақталуымен өткен жиынға Атқару комитетінің мүшелері қатысып, күн тәртібіндегі бірнеше мәселе талқыланды. Алқалы ұйым қараған ең маңызды мәселенің бірі - аудандық білім бөлімі мен аудандық кәсіподақ комитеті арасында 2021-2023 жылдарға жасалатын әлеуметтік әріптестік туралы Ұжымдық шарттың мазмұны болды.
Аудандық кәсіподақ ұйымы мен білім бөлімі арасында жасалатын ұжымдық шарт - білім беру ұйымдары қызметкерлерінің әлеуметтік-еңбек құқықтары мен кәсіби мүдделерін қорғау мен қызметкерлер үшін қосымша әлеуметтік-экономикалық, кәсіби кепілдіктер, жеңілдіктер мен артықшылықтар, өзге де оңтайлы еңбек жағдайларын жасауды көздейді. Ұжымдық шарттың жобасы облыстық ұйымда әзірленіп, кейін еңбек ұжымдарындағы бастауыш ұйымдарда барлық санаттағы қызметкерлердің қатысуымен, пікірлер мен ұсыныстар ескеріле отырып жасалған.
Алқалы жиын барысында күн тәртібіндегі өзге де мәселелер қаралып, әр сұрақ бойынша тиісті қаулы қабылданды.
Л.Айтқұлова,Кәсіподақтың Байзақ аудандық комитетінің құқықтық еңбек инспекторы,
Жамбыл облысы
-
Фото
-
