50 ЖАС ПЕДАГОГ МАРАПАТТАЛДЫ
Қазақстандық салалық білім және ғылым қызметкерлері кәсіподағының Ақтөбе облыстық ұйымы 1-желтоқсан – ҚР Тұңғыш Президент күніне орай үздік жас ұстаздарды марапаттады.
«Кəсіподақ: тұрақты қолдау, тұрақты құрмет» атты дәстүрлі шараның аясында бәсекеге қабілетті жеке тұлғаны тәрбиелеу, сонымен қатар сапалы білім беру ісіндегі табысты еңбегі үшін 50 педагог облыстық кәсіподақ ұйымы мен білім басқармасының бірлескен Алғыс хатына және кәсіподақ тарапынан сыйақыға ие болды. Шектеу шараларына байланысты марапаттау рәсімі «ZOOM» платформасында өткізілді. Үздік ұстаздарды Салалық білім және ғылым қызметкерлері кәсіподағының Ақтөбе облыстық ұйымының төрайымы Раушан Серікова құттықтап, оқушыларға сапалы білім беруде аянбай тер төгіп жүрген жас мамандарға сәттілік тіледі.
Шараға, сонымен қатар, облыстық білім басқармасы басшысының орынбасары Н.Бертілеуова, облыстық «Өрлеу» педагогикалық қызметкерлердің біліктілігін арттыру институтының директоры Н.Абишева, облыстық ғылыми-тәжірибелік орталығының директоры Д.Жаманбаева, облыстық білім және ғылым қызметкерлері кәсіподағының Жастар кеңесінің төрағасы, Қ.Жұбанов атындағы Ақтөбе өңірлік университетінің жастар ісі жөніндегі комитет төрағасы Н. Қартжан қатысып, ұстаздарға жылы лебіздерін білдірді.
-
Фото
-
