ЖЕҢІМПАЗДАР МАРАПАТТАЛДЫ
Қарағанды қаласында республикалық «Спорт жұлдыздары» журналы ұйымдастырған Президенттік көпсайыстан онлайн турнирге қатысып, жеңімпаз атанған дене-шынықтыру пәні мұғалімдерін Нұра аудандық білім бөлімінің басшысы С.Мұқанова мен білім және ғылым қызметкерлері кәсіподақ ұйымының төрағасы А.Мұстафин қабылдап, марапаттарын табыс етті.
Сайыс нәтижесінде І орын алған Қараой ЖОББ мектебінің дене-шынықтыру пәнінің мұғалімі Н.Бакиев, ІІ орын алған НұраЖОББ мектебінің дене-шынықтыру пәнінің мұғалімі А.Жаркенов, ІІІ орындарды алған Ы.Алтынсарин ЖОББ мектебінің дене-шынықтыру пәнінің мұғалімі Б.Қалкенов, М.Сүлейменов ЖОББ мектебінің дене-шынықтыру пәнінің мұғалімі С.Оспанов, Нұра ЖОББ мектебінің дене-шынықтыру пәнінің мұғалімі М.Ағзамов ҚР Президенттік сынақ және Президенттік көпсайыс федерациялар одағы ЗТБ вице-президентінің дипломымен және медальдарымен, сондай-ақ « Үздік дене-шынықтыру пәні мұғалімі» төсбелгісімен марапаталды.
Нұра ауданының оқушылар қомандасы Қарағанды облысы бойынша мектеп оқушылары арасындағы жарыста үздік нәтиже көрсеткені үшін білім бөлімінің дене-шынықтыру пәнінің әдіскері Ж.Имашев «Спорт жұлдыздары» журналының редакция алқасының шешімімен «Спорт ардагері» төсбелгісімен, ҚР Президенттік сынақ және Президенттік көпсайыс Федерациялар Одағы ЗТБ вице-президентінің Құрмет грамотасымен марапатталды.
Нұра аудандық білім бөлімінің басшысы Салтанат Аққошқарқызы республикалық деңгейдегі жарыстың ауданда тұңғыш рет өтіп тұрғанын ерекше атап өтіп, келесі додаларда аудан ұстаздары мен мектеп оқушылары бұдан да биік жетістіктерге жетеді деген сенім білдірді.
А.Мұстафин,"Қазақстандық салалық білім және ғылым
қызметкерлері кәсіптік одағыныңҚарағанды облыстық ұйымы" ҚБ
Нұра аудандық комитетінің төрағасы
