ТАЛДЫҚОРҒАН ПОЛИТЕХНИКАЛЫҚ КОЛЛЕДЖІНЕ 85 ЖЫЛ!
Бүгін Талдықорған политехникалық колледжі 85 жылдық мерейтойын атап өтті. Кәсіптік білім беру мекемесі өз тарихында мыңдаған түлекті қанаттандырып, облыс орталығындағы қарашаңырақтардың біріне айналды. Жетісу өлкесіне қажетті мамандық иелерін даярлауда білсенділік танытты.
Аталған колледж жаңа дәуірге сай материалдық-техникалық базасын нығайтып, кәсіби маман дайындаудың озық үлгілерін тәжірибеге енгізді. Қазіргі кезде колледж түлектері еліміздегі жоғары оқу орындарында білімін жалғастырса, көпшілігі өндіріс орындарында абыройлы еңбек етуде.
Онлайн форматта ұйымдастырылған шараға республика және облыс көлеміндегі мекеме басшылары қатысып, құттықтауларын жеткізсе, осындай білімді де, білікті шәкірттер тәрбиелген еңбек ұжымын арнайы Алматы облыстық білім және ғылым қызметкерлері кәсіподақ ұйымының төрағасы М.Төлепбергенов құттықтады. Жылы лебізін білдіріп, Талдықорған жоғары политехникалық колледжіне кәсіподақ атынан сый-сияпатын табыс етті.
Сонымен қатар, кәсіподақ жұмысын жандандыруға атсалысқан Е. Байділданов, Ж. Сарикенов, М. Сәдуақасова, А. Сейітбатқалова, Е. Тәбәрәк, М. Кәрімов сынды колледжі
оқытушыларын Құрмет грамотасымен марапаттады.
Еңбек ұжымы өз кезегінде алғыстарын айтып, қуаныштарын бөліскен облыстық кәсіподақ ұйымының жұмыстарына сәттілік тіледі.
Алматы облыстық білім және ғылым қызметкерлері
кәсіподақ ұйымының баспасзөз қызметі
-
Фото
-
