«БІР КӨЛІК» ШИПАЖАЙЫНДАҒЫ ДЕМАЛЫС
Кәсіподақ - төтенше жағдай және карантиндік шектеу уақытында ұжымдарда еңбек заңнамасының және ұжымдық шарттардың сақталуына бақылауды күшейтті. Бұл бағытта атқарылған жұмыстардың нәтижесін сала қызметкерлерінің назарына ұсынып, үнемі дер кезінде ақпараттандырып келеміз.
Кәсіподақ қызметінің тағы бір бағыты - мұғалімдер еңбегін бағалаумен қатар көтермелеу жұмыстарын да жүзеге асыру.
Пандемия кезеңінде ұстаздардың денсаулығын қайта қалпына келтіріп, нығайту мақсатында Салалық кәсіподақтың Қызылорда облыстық ұйымы мектепті «Алтын белгіге» бітірген түлектердің алғашқы ұстаздарына «Мұғалімдер күні» қарсаңында Түркістан облысындағы «Бір көлік» шипажайына облыс бойынша 300 ге жуық жолдама табыстады.
Жолдаманы иеленген мерейлі ұстаздар ағымдағы жылдың 1-13 қараша аралығында шипажайда демалды.
Әріптестерімізге ұрпақ тәрбиелеу жолындағы толымды еңбектеріне шын пейілмен алғыс айта отырып, дендеріне саулық, отбасыларына амандық, еңбектеріне табыс және абырой тілейміз.
САЛА ҚЫЗМЕТКЕРЛЕРІНІҢ МҮДДЕСІ ӘРДАЙЫМ КӘСІПОДАҚ НАЗАРЫНДА!
-
Фото
-
