КӘСІПОДАҚ ҚЫЗМЕТІНІҢ САПАСЫН АРТТЫРУ БАСТЫ НАЗАРДА
Салалық кәсіподақтың Маңғыстау облыстық ұйымы 12 қараша күні аудандық, қалалық кәсіподақ филиалының төрағаларына арналған онлайн семинар өткізді.
«Кәсіподақтағы іс-қағаздардың жүргізілу тәртібі» тақырыбымен өткен семинарды ашқан Қазақстандық салалық білім және ғылым қызметкерлерінің кәсіптік одағының Маңғыстау облыстық ұйымының төрайымы Т.Баймбетова кәсіподақ сала қызметкерлерінің сенімді өкілі ретінде еңбек заңдылықтарының сақталуын қадағалайтын және басқа да өзекті мәселелерді шешуге атсалысатын ұйым екендігін баса айтып, атқарылған жұмыстарға тоқталды.
Елдегі жағдайды ескеріп, қашықтықтан оқыту кезеңінде педагогтарға барынша қолдау шараларын ұйымдастыратынын жеткізді.
Ал, облыстық кәсіподақ ұйымының іс-қағаздары жөніндегі маманы Л.Сәрсенғалиева кәсіподақ белсенділерін оқыту барысында іс-номенклатурасына сай құжаттарды реттеу және жинақталу тәртібін айтса, ұйымдастыру қызметтері жөніндегі маман А.Аманиязова жоғары кәсіподақ органдарының нұсқаулық құжаттары мен қаржылық-шаруашылық жұмыстарына тоқталып, жеке-жеке түсіндіріп өтті.
Ақтау қаласы, Мұнайлы ауданы кәсіподақ ұйымы филиалының төрайымдары К.Еңсегенова, Р.Текеева кәсіподақ филиалының семинар барысында көкейіндегі сауалдарға толыққанды жауап алғанын айтып, ұйымдастырушыларға алғысын білдірді.
Семинарға қатысушылар, жұмыс беруші мен жұмыскер арасындағы алтын көпірге айналған кәсіподақ өкілдерінің біліктіліктерін арттыруға арналған осындай шаралар үрдісі жалғаса берсін деп ұсыныстарын білдірді.
Шара соңында кәсіподақ өкілдері тарапынан қойылған сұрақтарға нақты түсініктер берілді.
«Қазақстандық салалық білім және ғылым қызметкерлері
кәсіподағының Маңғыстау облыстық ұйымы» ҚБ
кәсіподағының Маңғыстау облыстық ұйымы» ҚБ
