ҒАЖАЙЫП ТҰЛҒА ТУРАЛЫ БІР АУЫЗ СӨЗ!
2020 жыл маңызды даталарға толы: Абайдың 175 жылдығы, Ұлы Жеңістің 75 жылдығы, Шығыс Қазақстан кәсіподақтарының 100 жылдығы. Атаулы даталарды мерекелеу аясында, Шығыс-Қазақстан облыстық білім қызметкерлерінің кәсіподағы іс-шаралар мен шығармашылық байқаулар өткізді. Ал қорытындылау кезең бастауыш білім беру ұйымдарының көшбасшыларын, әлеуметтік әріптестер – ұйым басшыларын, білім беру қызметкерлері кәсіподағының белсенді мүшелерін марапаттау болды.
Шығыс-Қазақстан облыстық кәсіподақтар бірлестігінің 100 жылдығына арналған Құрмет грамотасымен марапатталғандардың арасында Алтай ауданының «Леснопристань орта мектебі» КММ директоры Хорошевская Галина Афанасьевна да бар еді. 40 жыл бұрын, 1979 жылы, Галина Афанасьевна оқудан кейін ауыл мектебінде бастауыш сынып мұғалімі болып жұмыс жасап, бірнеше жылдан кейін ооыс тілі мен әдебиеті пәнінің мұғалімі мамандығын оқып алады. Алғашқы жұмыс жылдарынан-ақ педагогтың кәсіптік және көшбасшылық қасиеттері байқалды. Дарынды мұғалімді тек оқушылар жақсы көріп қоймай, олардың ата-аналары мен әріптестері де сыйлады.
1997 жылы Хорошевская Галина Афанасьевна мектеп директоры болып тағайындалды. Міне, 23 жыл бойы Галина Афанасьевнаның басшылығымен «Леснопристань орта мектебі» КММ еңбекқор ұжымы өз оқушыларын тәрбиелеп, оқытып келеді. Ауылдық мектептің ыстық ұясынан керемет дәрігерлер мен педагогтар, ауыл еңбеккерлері мен ауыл шаруашылығының жұмыскерлері шықты. Түлектер өз мектептерін, ұстаздары мен директорын ризашылықпен еске алады.
2020 жылғы 7-қарашада Хорошевская Галина Афанасьевна 70 жас мерейтойын атап өтті. Оған Қазақстанның, Ресейдің көптеген ауылдары мен қалаларынан, шет елдерден құттықтаулар келіп түсті. Оқушылар мен түлектер ұстаздарын әлі де естеріне алып, құрмет тұтады. Сізге, Ұстазға, адамзатқа және мамандығыңызға деген адалдығыңыз, өскелең ұрпақты оқыту мен тәрбиелеуді дамытуға қосқан зор үлесіңіз үшін бас иеміз!
