АРДАГЕРГЕ ҚҰРМЕТ
Білім саласының ардагері, ұлағатты ұстаз Бектенғалиев Асқар Хайруллаұлы «Еңбек ардагері» медалімен марапатталды. Ақтөбе облыстық білім және ғылым қызметкерлері кәсіподағы ұйымының ұсынысымен келген төсбелгіні кәсіподақ төрайымы Раушан Серікова салтанатты түрде табыстады.
Шараға, сондай-ақ, Ақтөбе облысы бойынша «Өрлеу» педагогикалық қызметкерлердің біліктілігін арттыру институтының директоры Н.Абишева, облыстық кәсіподақтың бас маманы А.Серимбетов қатысты.
Бектенғалиев Асқар Хайруллаұлы 1951 жылы 17 ақпанда дүниеге келген. 1970-1974 жылдары Ақтөбе педагогикалық институтының физика-математика факультетінде оқыған. Әр жылдары Темір ауданындағы орыс орта мектебінде физика пәні мұғалімі, №11 орта кәсіптік техникалық училищесінде директордың орынбасары, С.Бәйішев атындағы орта мектебінің директоры қызметтерін атқарған.
2010-2016 жылдары Ақтөбе облысы бойынша педагогикалық қызметкерлердің біліктілігін арттыру институтында аға оқытушы болып еңбек етті. Жалпы еңбек өтілі- 44 жыл.
Асқар Хайруллаұлы облыстық және халықаралық ғылыми-тәжірибелік конференциялардың қатысушысы, «Инновациялық технологияларды оқу процесінде пайдалану» тақырыбы бойынша мақалалардың авторы. «Оқу процесінде үздік инновациялық технологияларды пайдалану» атты Республикалық байқауының дипломанты.
Көп жылғы еңбегі үшін «Қазақстан Республикасы оқу ісінің үздігі» төсбелгісімен, ҚР Білім және Ғылым министрлігінің , облыстық білім және ғылым қызметкерлері кәсіподақ ұйымының, білім басқармасының Алғыс хаттарымен марапатталған.
-
Фото
-
