КӘСІПОДАҚТЫҚ ҚОРҒАУ: НАҚТЫ АДАМДАР–НАҚТЫ ІСТЕР!
«Қазақстандық салалық білім және ғылым қызметкерлері кәсіподағының Солтүстік-Қазақстан облыстық ұйымы» қоғамдық бірлестігі ағымдағы жылдың 14-31 қазан аралығында «сұрақ-жауап» форматында салалық ерекшелікті ескере отырып, еңбек заңнамасының нормаларын қолдану мәселелері бойынша оқыту семинарларын өткізді. Семинарлар жұмысы WhatsApp мессенджері арқылы ұйымдастырылып, «Кәсіподақтық оқу» атты аудандық және қалалық кәсіподақ комитеттерінің филиалдарынан тұратын 14 топ құрылды. Топ қатысушылары: облыстық білім кәсіподағының төрағасы Б.Аюпов, төраға орынбасары Т.Смолина, құқықтық мәселелер жөніндегі маман А.Тасымова, аудандық, Петропавловск қалалық кәсіподақ комитеттерінің төрағалары, әлеуметтік әріптестер – білім бөлімдерінің басшылары, мектеп директорлары, мектепке дейінгі ұйым меңгерушілері және бастауыш кәсіподақ ұйымдарының төрағалары.
Оқыту семинарларына қатысушылардың жалпы саны 1000 адамнан астам.Семинарлар барысында 280 сұрақ түсті. Өтініштер ҚР Еңбек кодексінің, өзгерістер мен толықтырулар ескерілген ҚР «Кәсіподақтар туралы» Заңының, «Педагог мәртебесі туралы» Заңының нормаларын қолдануға, педагогтарды аттестаттаудан өткізу жағдайына, пандемия кезіндегі еңбекақы төлеуге, қашықтықтан жұмыс режимін енгізуге және тағы басқаларына қатысты болды.
Барлық сұрақтарға нақты, негізделген жауаптар берілді, өтініштердің бір бөлігі соңында, әлеуметтік әріптестік аясында ҚР білім және ғылым Министрлігімен бірлесіп қарау үшін Қазақстандық салалық кәсіподаққа жіберіледі.
Екі апталық семинар жұмыстарының қорытындысы бойынша көптеген жағымды пікірлер мен ұйымдастырушыларға алғыс сөздер айтылды.
Облыстық кәсіподақ комитеті кәсіподақ мүшелерімен қатар, әлеуметтік әріптестерге де әрдайым кеңес беру, әдістемелік, ақпараттық бағытта көмек беруге дайын.
Аталған жұмыс Солтүстік-Қазақстан облысының аумағында Covid-19 таратпау үшін карантиндік шектеу шаралары жағдайында жұмыс берушілердің еңбекті қорғауды қамтамасыз ету жөнінде көптеген сұрақтардың туындауына орай тұрақты негізде жалғастырылатын болады.
