Қазақстан Республикасы Білім және ғылым вице-министрі Б.А.Асылованың қатысуымен онлайн семинар өтті
Қазақстандық салалық білім және ғылым қызметкерлері кәсіподағының бастамасымен Қазақстан Республикасы Білім және ғылым Вице-министрі Б.А.Асылованың қатысуымен бейне-конференц байланысы арқылы семинар өткізілді.
Конференцияға Салалық кәсіподақ төрайымы А.М.Мұқашева, Нұр-Сұлтан қ. Білім басқармасының басшысы Ш.М.Қадырова, Нұр-Сұлтан қ. «Әділет» кәсіподағының төрағасы Б. Ә. Әлиев, елорданың білім беру мекемелерінің басшылары мен педагогтары қатысты.
Кездесуде еңбекақы төлеу мәселелері, оның ішінде қашықтықтан оқыту жағдайында, аттестациядан өту, педагогтардың жұмыс уақыты және басқа да өзекті мәселелер талқыланды. Вице-министр аталған мәселелер бойынша толық ақпарат беріп, қатысушылардың сұрақтарына жауап берді.
Сонымен қатар еңбек заңнамасының нормалары, «Білім туралы» және «Педагог мәртебесі туралы» Заңдары, педагогтерге оның ішінде методистерге еңбекақы төлеу жүйесіндегі қосымша төлемақылардың жаңа түрлері, құқықтық заңнамалық актілер талқыланды.
«Әділет» Кәсіподағы Білім басқармасымен бірлесіп тұрақты түрде елорданың білім беру ұйымдарының қызметкерлерінің еңбек және әлеуметтік-экономикалық құқықтарын қорғау бойынша жұмыстар атқарылып жатқанын атап өту қажет.
«Әділет» Кәсіподақ ұйымы ұйымдастырылған семинар үшін Білім және ғылым Вице-министрі Б.А.Асыловаға және Қазақстандық салалық білім және ғылым қызметкерлері кәсіподағының төрайымы А.М.Мұқашеваға алғысын білдірді.
Конференцияға 300-ден астам білім беру ұйымдарының қызметкерлері қатысты.
-
Фото
-
