АЛМАТЫ ОБЛЫСЫНЫҢ ҰСТАЗДАРЫНА АРНАЛҒАН ОНЛАЙН СЕМИНАР
Қазақстандық салалық білім және ғылым қызметкерлері кәсіподағының бастамасымен бейне-конференция арқылы семинар өтті.
Алматы облысындағы сала қызметкерлерінің қатысуымен өткен онлайн семинарда қашықтықтан оқыту жағдайында ұстаздарға еңбекақы төлеу, педагогтарды аттестациядан өткізу туралы және т.б. өзекті мәселелер қарастырылды.
Салалық білім және ғылым қызметкерлері кәсіподығының төрайымы А. Мұқашева жиынды өз сөзімен ашып, облыстық кәсіподақ ұйымы ағымдағы жылдың қыркүйек айында кезектен тыс XVIII Конференциясын өткізгенін айтып, Мэлс Төлепбергенов төраға ретінде сайланғанын жеткізіп, көпшілікке таныстырды. Сонымен қатар ұстаздардың тарапынан қашықтықтан оқыту кезінде туындаған сұрақтардың басым көпшілігі еңбекақыға қатысты болғанын айтып, түсіндіру жұмыстарын кеңінен жүргізу мақсатында осы семинардың әр аймақпен өткізіп жатқанын жеткізді.
Ал, әлеуметтік әріптестік негізінде ҚР Білім және ғылым вице-министрі А. Асылова сөз алып, магистр дәрежесі бар ұстаздарға жалақыны есептеу, мектепалды даярлық сыныптарындағы мұғалімдердің апталық жүктемесі, педагогтарды аттестациялау сынды өзекті мәселелерден туындаған сұрақтарға толық жауап берді.
Алматы облысының бес жүзге жуық ұстазы толық мағлұмат алып, семинар жоғарғы дейгейде ұйымдастырылғанын айтып, ұйымдастырушыларға алғыстарын білдірді.
Алматы облыстық білім және ғылым
қызметкерлері кәсіподақ ұйымының баспасөз қызметі
-
Фото
-
