КӘСІПОДАҚ ӨКІЛДЕРІ ҚҰҚЫҚТЫҚ КЕҢЕС БЕРДІ
Салалық кәсіподақтың Ақтөбе облыстық ұйымының бас маманы, құқықтық еңбек инспекторы А.Алимпиев, еңбек қауіпсіздігі жəне еңбекті қорғау жөнінде маман Н.Жетпісбай «ZOOM» платформасы арқылы Хромтау ауданының оқу ұйымдары қызметкерлеріне тегін заң кеңестерін берді.
Қашықтықтан кездесуге ауданның мектептері, мектепке дейінгі оқу мекемелері мен қосымша білім беру мекемелері басшылары, кәсіподақ көшбасшылары мен қызметкерлері қатысты. Қатысушылар тарапынан біліктілікті арттыру курстарын қаржыландыру, мектепке дейінгі мекемелерге тәрбиеші қызметіне жіберілетін ұстаздардың мамандығы, біліктілік санатын растай алмауына байланысты сұрақтар қойылып, оған нақты жауаптар берілді.
Қазіргі әлемде қалыптасқан жағдайда еңбек заңдылығының бұзылмауы, білім қызметкерлерінің құқықтарын қорғау мәселелері бойынша кеңестер, құқықтық көмектер көрсетілді.
-
Фото
-
