"ЕРТІС ТАҢЫНДА" ЖАС МАМАНДАР МӘСЕЛЕСІ ҚОЗҒАЛДЫ
Ұстаздадың құқығы мен мүддесін қорғау бағытында білім беру саласының кәсіптік одағы ауқымды жұмыс атқаруда. Сала мамандарына, соның ішінде жас мамандарға қолдау көрсетуде кәсіподақ ұйымының үлесі зор.
6 жыл бұрын құрылған Павлодар облыстық білім қызметкерлері кәсіподағына қарасты Жастар кеңесінің мақсаты – жас мамандармен тікелей жұмыс істеу, психологиялық, құқықтық тұрғыдан қолдау көрсету болып табылады. Павлодар облыстық білім беру саласы кәсіптік одағына қарасты Жастар кеңесінің төрайымы, Павлодар қаласы №43 ЖОББ мектебінің мұғалімі А.Абильдинова мен кеңестің белсенді мүшесі, Павлодар қаласы №36 ЖОББ мектеп директорының тәрбие ісі жөніндегі орынбасары Е.Садықов облыстық «Ертіс» арнасындағы «Ертіс таңы» бағдарламасында аймақтағы Жастар кеңесінің жұмысы жайлы, атқарылған іс-шаралар туралы әңгімеледі. Жас мамандармен жұмыс істейтін Кеңестің мақсат-міндеттеріне тоқталып, жоспарларымен бөлісті.
А.Абильдинова,Павлодар облыстық білім қызметкерлерінің
кәсіподақ ұйымына қарасты Жастаркеңесінің төрайымы
