Қ.ТОҚАЕВ: “БҮГІНГІ ЖАСТАР – ЕЛІМІЗДІҢ ЕРТЕҢІ, ҰЛТЫМЫЗДЫҢ БОЛАШАҒЫ, МЕМЛЕКЕТІМІЗДІҢ МӘРТЕБЕСІ"
Қызылорда қалалық білім қызметкерлері кәсіподақ комитетінің жанынан құрылған "Жас Орда” жастар кеңесі 2020-2021 оқу жылының кезекті отырысын өткізді. Былтырғы оқу жылында атқарылған жұмыстарды қорытындылап, биылғы оқу жылының жоспарын талқылады.
Қалалық білім қызметкерлері кәсіподақ комитетінің төрайымы О.Алимбетова жастарды жуырда өткен Ұстаздар күні мерекесімен шын жүректен құттықтап, пандемия кезеңінде еріктілер қатарында болған, оқушыларды қашықтықтан оқытуда қажырлы қызмет атқарып жүрген Қызылорда қаласындағы № 112 орта мектептің мұғалімі Н.Жәнібекті Қазақстандық салалық білім және ғылым қызметкерлері кәсіптік одағының Құрмет грамотасымен, № 198 мектептің мұғалімі А.Байтаққызын Облыс әкімінің Алғыс хатымен, № 112 орта мектептің мұғалімі Қ.Қыдырбаеваны Қала әкімінің арнайы сыйлығы - дербес компьютермен және Алғыс хатымен, №178 орта мектептің дефектологы Е.Ермұратұлын Облыстық кәсіподақ комитетінің Алғыс хатымен марапаттады. Комитет төрайымы белсенді жастарды үлгі етіп, жаңадан келген жастарды жігерлендірді. Жас мамандарға сәттілік тіледі. Жиын барысында жастар идеяларын ортаға салып, өзара пікір алмасты.
-
Фото
-
