«ӘДІЛЕТ" КӘСІПОДАҒЫНЫҢ ТӨРАЛҚА ОТЫРЫСЫ ӨТТІ
Жиынды Нұр-Сұлтан қалалық «Әділет» білім беру қызметкерлері кәсіподағының төрағасы Батыр Әлиев ашып, Төралқа мүшелерін күн тәртібімен таныстырды.
Отырыста «Әділет» кәсіподағы мен бастауыш ұйымдарда ақпараттық жұмысты одан әрі жетілдіру жағдайы мен шаралары туралы; әлеуметтік және еңбек құқықтары мен мүдделерін қорғау бойынша №10 мектеп-гимназиясының жұмысы және Кәсіподақтың мүшелік базасын кеңейту және нығайту бойынша №4 «Аружан»балабақшасының бастауыш ұйымының жұмысы туралы; ксіподақ аппаратының жұмыс регламенті туралы; «Әділет» кәсіподағына сайланған және қызметкерлер құрамының этикасы туралы ереже; «Қазақстандық салалық білім және ғылым қызметкерлері кәсіподағының еңбекті қорғау жөніндегі үздік техникалық инспекторы» Республикалық байқауының және «Әділет» Кәсіподағының үздік бастауыш ұйымы» байқауының нәтижелері; Кәсіподақ активінің наградалары туралы; Кәсіподақ Кеңесінің кезекті отырысы туралы мәселелер талқыланды.
Жиында Батыр Әлиев бастауыш кәсіподақ ұйымдарының жұмысын күшейтуді ерекше атап өтті. Сонымен қатар, кәсіподақ мүшелерінің әлеуметтік-экономикалық, еңбек құқықтары мен мүдделерін қорғау басты назарда екені айтылды.
Төралқа мүшелері аталған мәселелер бойынша ұсыныс-пікірлерін білдірді. Барлық мәселелер бойынша тиісті қаулылар қабылданды.
-
Фото
-
