Аумақтық ұйымдардың жаңалықтары

Осындай атаумен Алматы облыстық білім және ғылым қызметкерлерінің кәсіподақ ұйымы жаңа оқу жылында кәсіподақ мүшелігіне кірген жас ұстаздарға қолдау білдіру мақсатында акция өткізді.

Шарада облыстық ұйымның төрағасы Мэлс Төлепбергенов еңбек жолын бастаған жас ұстаздарды құттықтап, акцияның мақсаты мен кәсіподақ тарапынан көрсетіліп жатқан көмектерге тоқталды.

«Қазіргі таңда еліміз қиын кезеңді бастан өткеруде. Індетпен күрес әлі де жалғасып жатыр. Мемелекет тарапынан түрлі әлеуметтік көмек көрсетілу үстінде. Бұл тұрғыда Салалық кәсіподақ та мүмкіндігінше кәсіподақ мүшелеріне сауықтыру орындарына жолдама беріп, қашықтықтан оқыту кезінде ұстаздарды қажетті заттармен қамтамасыз ету жұмыстарын жүйелі жүргізді. Енді жас мамандарға да назар аударып, білім беру ісін бастаған мұғалімдерге қолдау танытпақ ниеттеміз», -деді Мэлс Құлмұханұлы.
Қоғамдық бірлестіктің төраға орынбасары Болат Кәметұлы жас ұстаздардың атқарған жұмысын жоғары бағалап, сала қызметкерлерін төл мерекелерімен құттықтады.

Акция барысында облыстық ұйымның бағалы сыйлығын М. Ломоносов атындағы №5 мектеп-лицейінің тарих пәнінің мұғалімі Қаламқас Әсетова, М.Жұмабаев атындағы №19 орта мектеп-гимназиясының ағылшын тілі пәнінің мұғалімі Ақбөпе Есенғұл, №14 орта мектеп-гимназиясының бастауыш сынып мұғалімі Талшын Жаратқан иеленді.

Талдықорған қалалық филиалына қарасты білім беру мекемелеріндегі жас ұстаздардың атынан марапатқа ие болған Қаламас Бейбітқызы қуанышын жеткізіп, облыстық ұйымға алғысын білдірді. Айтулы шарада білім саласында жұмыс істеп жатқан Жетісулық жастар ойларын орта салып, өзара пікір алмасты.