БҚО КӘСІПОДАҚ ҰЙЫМЫ ШЫҢҒЫРЛАУ АУДАНДЫҚ БІЛІМ БӨЛІМІНІҢ ҮЗДІК ӘДІСТЕМЕЛІК КАБИНЕТІ ҰЖЫМЫН ҚҰТТЫҚТАДЫ
Батыс Қазақстан облыстық білім және ғылым қызметкерлері кәсіподағының төрағасы Марат Даупаев «Үздік аудандық/қалалық әдістемелік кабинеті» Республикалық байқауынан 1 орын иеленген Шыңғырлау аудандық білім бөлімінің әдістемелік кабинеті ұжымымен кездесті.
Облыстық кәсіподақ төрағасы Марат Даупаев республикалық байқаудан жеңімпаз атанған ұжымға Қазақстандық салалық білім және ғылым қызметкерлері кәсіподағы жолдаған «ASUS» ноутбугін табыс етті.
Сонымен қатар, БҚО кәсіподақ ұйымы атынан Шыңғырлау аудандық білім беру бөлімі бастауыш кәсіподақ ұйымына кәсіподақ мүшелерін Қазақстан аумағының шипажайында сауықтыру үшін стандарт нөмірлі 2 тегін жолдама табыстады.
Ал, кәсіподақ қозғалысының дамуы мен нығаюына зор үлес қосқаны және еңбектегі жетістіктері үшін әдістемелік кабинет меңгерушісі М.Сакиеваға «Білім және ғылым қызметкерлерінің кәсіподағына сіңірген еңбегі үшін» төсбелгісі, әдіскерлер А.Жаналиева, А.Кужиева, Т.Уразовқа облыстық кәсіподақ ұйымының құрмет грамотасы мен заттай естелік сыйлықтар берілді.
Атаулы шарада, "Жаңа мектепке - жаңашыл ұстаз" Республикалық байқауында Бас жүлде иеленгені үшін Шыңғырлау ОЖББМ, қазақ тілі мен әдебиет пәнінің мұғалімі С.Байбулатовқа «Сарыағаш» шипажайына тегін жолдама берілді.
Шыңғырлау аудандық білім бөлімінің басшысы Эльмира Таганиязова және аудандық кәсіподақ ұйымының төрайымы Үміт Өтебаева құттықтау сөз сөйлеп, кәсіподақ атынан М.Сакиеваны алғыс хатпен марапаттады.
БҚО БІЛІМ ЖӘНЕ ҒЫЛЫМҚЫЗМЕТКЕРЛЕРІНІҢ КӘСІПОДАҒЫ
-
Фото
-
.jpeg)
.jpeg)
