Аумақтық ұйымдардың жаңалықтары

Бастауыш кәсіподақ ұйымы «Әділет» Кәсіподағының жарғылық мақсаттары мен міндеттерін іске асыру, кәсіподақ мүшелерінің әлеуметтік-экономикалық, еңбек құқықтары мен мүдделерін қорғау үшін құрылды.Кәсіподақтың осы және басқа мақсаттары мен міндеттерін мектеп қызметкерлеріне жеткізілді.

Кездесу барысында қызметкерлерге еңбек заңнамасының нормалары, Қазақстан Республикасы Үкіметінің 2015 жылғы 31 желтоқсандағы № 1193 қаулысымен көзделген педагогтерге еңбекақы төлеу жүйесіндегі қосымша төлемақылардың жаңа түрлері, «Білім туралы» және «Педагог мәртебесі туралы» Заңдар, педагогтардың аттестаттаудан өту ережелері және санат беру тәртібі, мұғалімдер мен мектеп қызметкерлерінің жұмыс уақыты және білім беру жүйесінің басқа да заңнамалық актілері талқыланды.
Сонымен қатар, мектеп қызметкерлері Нұр-Сұлтан қаласының Білім басқармасы мен «Әділет» Кәсіподағы арасындағы әлеуметтік серіктестік туралы Аймақтық келісім шартымен таныстырылды.

Кәсіподақ мүшелеріне жұмысшылардың әлеуметтік, еңбек және экономикалық құқықтары мен заңды мүдделерін қорғауға, жұмыс берушінің тиімді жұмысын қамтамасыз етуге, тараптардың өзара жауапкершілігін арттыруға бағытталған ұжымдық шарт үлгісі ұсынылды. Ұжымдық шарттың жасалған жобасы кәсіподақ мүшелеріне қолданыстағы заңнамамен салыстырғанда қосымша кепілдіктер мен жеңілдіктер ұсынады.

Кездесу соңында кәсіподақ мүшелерінің сұрақтарына жауаптар берілді. Кездесу тікелей байланыс пен өзара қызығушылық жағдайында өтті.