«Кәсіподақ – қорғаушың және қолдаушың»
Осындай атаумен «Қазақстандық салалық білім және ғылым қызметкерлері кәсіптік одағы» ҚБ Атырау облыстық ұйымының Атырау қалалық комитетінің ұйымдастыруымен қайырымдылық акциясы өткізілуде. Акция аясында төтенше жағдай кезінде аз қамтылған, жағдайы төмен 30 білім қызметкеріне 20000 теңгеден көмек көрсетілді. Әлеуметтік жағдайы өте төмен, аз қамтылған отбасыларына қалалық білім бөлімінің берген ұсынысына сәйкес, 10 білім қызметкеріне ең төменгі жалақы мөлшерінде 42500 теңгеден қайырымдылық көмек берілді. Короновирус індетінен қайтыс болған білім қызметкерлері мен ағайын туыстарынан айырылған адамдарға материалдық қаржылай көмек көрсетілген. Атырау қаласындағы барлық балабақша қызметкерлеріне бетперде және антисептик таратылған. "Мектепке жол" науқаны аясында көп балалы, аз қамтылған отбасыларға материалдық қолдау көрсетілді.
«Қазақстандық салалық білім және ғылым қызметкерлері кәсіптік одағы» ҚБ Атырау облыстық ұйымының Атырау қалалық комитеті COVID-19 ауруының алдын алу және қорғану іс-шараларына сәйкес барлық бастауыш кәсіподақ ұйымдары өз кәсіподақ мүшелеріне дәрі-дәрмек, бетперде алуларына қаржылай көмек беруді жалғастырып әлі де жүргізіп келеді.
Осындай игі іс-шараларды ұйымдастырып, орындалуын қадағалап, ықпал етіп отырған азаматтарға мұқтаж жандардың алғысы шексіз. Қолдау көрген отбасылар білім және ғылым қызметкерлері кәсіптік одағының Атырау қалалық комитеті филиалы өкілдеріне ризашылықтарын білдіріп, қызметтеріне жетістіктер тіледі.
