ҰСТАЗ ЕҢБЕГІ ЖАНҒАН КҮН
Бүгін ақтөбелік ұстаздар үшін қос мереке. Жаңа оқу жылының алғашқы күнінде өңір педагогтары облыстық білім және ғылым қызметкерлері кәсіптік одағының құрметіне бөленді. «Кəсіподақ: тұрақты қолдау, тұрақты құрмет» атты дәстүрлі шара аясында онлайн және оффлайн форматында салтанатты марапаттау рәсімі өтті.
Білім беру жүйесіндегі жемісті еңбегі, педагогикалық шеберлігі және жаңартылған білім беру технологияларын дамытудағы шығармашылық жетістіктері үшін 100 мұғалім облыстық білім қызметкерлерінің кәсіподағы мен білім басқармасының алғыс хатына ие болып, сыйақымен марапатталды. Үздік ұстаздарды салалық білім және ғылым қызметкерлері кәсіптік одағы Ақтөбе облыстық ұйымының төрайымы Раушан Серікова Білім күнімен құттықтап, жаңа оқу жылына сәттілік тіледі.
«Білім күні- жарқын, көңілді, ізгі мереке. Бүгіннен бастап сіздер үшін білім әлемінде күрделі, сонымен қатар қызықты жұмыс күндері басталады. Жаңа оқу жылында жаңа шыңдарды бағындыру жолында шығармашылық табыс пен құлшыныс, жемісті еңбек, сабыр тілеймін. Жер жүзін індет жайлаған кезде білім жүйесі күрделі өзгерістерге тап болды. Төртінші тоқсан біз бен сізге оңайға соқпады. Бірақ соған қарамастан, біліктіліктерін ұштап, жетілдіріп, қиын сәтте шәкірт тәрбиелеуге үлес қосып, ерекше форматта білім берген ұстаздарымыздың еңбегін жоғары бағалаймыз!», - деді ол.
Шараға, сонымен қатар, облыстық білім басқармасы басшысының орынбасары Г.Сүлейменова, облыстық «Өрлеу» педагогикалық қызметкерлердің біліктілігін арттыру институтының директоры Н.Абишева, облыстық ғылыми-тәжірибелік орталығы директорының міндетін атқарушы Д.Жаманбаева қатысып қатысып, ұстаздарға жылы лебіздерін білдірді.
«Қазақстандық салалық білімжәне ғылым қызметкерлері
кәсіптікодағының Ақтөбе облыстық ұйымы» ҚБ
кәсіптікодағының Ақтөбе облыстық ұйымы» ҚБ
-
Фото
-
