"ЖАС ҰСТАЗ – БІЛІМДІ ЕЛ ТІРЕГІ"
Қызылорда облыстық білім басқармасы мен Салалық білім және ғылым қызметкерлері кәсіподақ комитетінің ұйымдастыруымен оқу жылы қарсаңында дәстүрлі ТАМЫЗ КЕҢЕСІ аясында жас ұстаздармен ZOOM платформасы арқылы секция отырысы өтті.
Шараға аудандық, қалалық білім бөлімдерінің басшылары, Салалық кәсіподақтың облыстық, аудандық, қалалық ұйымдарының төрағалары, Өрлеу БАҰО АҚ филилалы Қызылорда облысы бойынша педагогикалық қызметкерлердің біліктілігін арттыру институтының, облыстық педагогикалық шеберлік орталығының, облыстық оқу орталығының басшылары, әдіскерлері, облыс мектептерінің жас ұстаздары қатысты.
Облыстық білім басқармасының басшысы Қасымова Ақзира Бақтыбайқызы Сырдың жас ұстаздарын жаңа оқу жылының басталуымен құттықтап, ерекшеліктермен таныстыра отырып, ұсыныс-пікірлерін тыңдады.
• Өзгермелі әлемде білім беру, идеология мәселелері;
• Креативті жас ұстаз бейнесі ;
• Онлайн сабақ: өткізу ерекшеліктері тақырыптарында баяндамалар ұсынылып, өзара тәжірибе алмасу үдерісі орын алды.
ЖАСАМПАЗ ЖАС ҰСТАЗ ТРИБУНАСЫ арқылы қалалық, аудандық Жастар Кеңесінің жас белсенді ұстаздарының жетістіктері тыңдалды.
Қызылорда облыстық білім және ғылым қызметкерлері кәсіподағы комитетінің төрайымы Есқалиева Гүлнар Бабабекқызы секция отырысын қорытындылап, жас ұстаздарды облыстық білім басқармасы және білім кәсіподағының бірлескен Құрмет грамотасымен марапаттады.
Секция отырысы жас ұстаздардың құттықтау челенджімен қорытындыланды.
Қызылорда облыстық білім және ғылым қызметкерлері кәсіподақ комитеті
-
Фото
-
