ҚЫЗЫЛОРДА ОБЛЫСЫНДА ҚОҒАМДЫҚ ҚАБЫЛДАУ ЖҮРГІЗІЛДІ
5-17 тамыз аралығында Қазақстандық салалық білім және ғылым қызметкерлері кәсіподағының құқықтық жұмыстар бөлімінің басшысы Р.Қыдырбаева мен Салалық кәсіподақтың Қызылорда облыстық ұйымының төрайымы Г. Есқалиева жұмыс сапарымен Қызылорда облысының Қармақшы, Жаңақорған, Арал, Қазалы және Шиелі аудандарында болып, қоғамдық қабылдау жүргізді.
Жаңа оқу жылы қарсаңында толық санитарлық талаптар сақтала отырып өткізілген қоғамдыққабылдауда кәсіподақ мүшелеріне практикалық көмек көрсетілді, бірқатар өзекті сұрақтарға жауап берілді.
Қабылдау барысында Салалық кәсіподақ өкілдері аудандық білім бөлімдерінің басшыларымен кездесіп, өңірдегі өзекті мәселелердің шешу жолдары қаралды.
Мектеп директорлары, балабақша меңгерушілері, мұғалім, тәрбиеші, есепшілер, кадр қызметкерлері, кіші қызметкерлер тарапынан түскен сауалдардың басым бөлігі төмендегі мәселелерге арналды:
• Карантиндік шектеу кезіндегі жұмыс уақыты;
• Уақытша болмаған жұмыскердің міндеттерін атқару кезінде еңбегіне ақы төлеу;
• Карантиндік шектеу кезіндегі балабақша қызметкерлерінің жалақыларының төленуі;
• Еңбекке уақытша қабілетсіздігі бойынша әлеуметтік жәрдемақының мөлшері;
• Ақылы еңбек демалысының ақысының есептелуі;
• Демалыс орындарына жолдамалар беру және т.б.
Сала қызметкерлерінің сұрақтарына тиісті жауаптары берілді. Дегенмен, алдағы уақытта шешілуі тиіс мәселелер бары назарға алынды. Кәсіподақ мүшелерінің еңбек құқықтары мен кәсіби мүдделерінің қорғалуы әрдайым басымдықта бола бермек. Сондықтан, қандайма мәселелер туындаған жағдайда жергілікті кәсіподақ комитеттеріне жүгініп, бірлесе жұмыс істеуге шақырамыз.
Қоғамдық қабылдау жұмыстары Қызылорда қаласы, Сырдария және Жалағаш аудандарында жалғасын табады.
Қызылорда облыстық білім және ғылым
қызметкерлерінің кәсіподақ комитеті
-
Фото
-
