ЗЕЙНЕТКЕР ҰСТАЗДАРҒА ҚҰРМЕТ
14 тамыз күні БҚО, Шыңғырлау аудандық кәсіподақ ұйымы мен аудандық білім беру бөлімі зейнет жасына толып, еңбек демалысына шыққан ұстаздарды құттықтады.
Шара барысында, білім беру бөлімінің басшысы Э.Тағаниязова абыройлы қызмет атқарып, құрметті еңбек демалысына шығып отырған ұстаздар қауымына жылы лебізін білдірсе, әдістемелік кабинет меңгерушісі М.Сақиева мәртебелі ұстаздардың ғибратты еңбек жолына тоқталып, естеліктермен бөлісті.
Аудандық кәсіподақ ұйымының төрайымы Ү.Өтебаева барша саналы ғұмырын бала тәрбиесіне арнаған зейнеткер ұстаздарға алғыс хаттар мен гүл шоқтарын ұсынып, естелік сыйлықтар табыстады.
Батыс Қазақстан облыстық білім және ғылым
қызметкерлерінің кәсіподағы
