САНИТАРЛЫҚ ТАЛАПТАРДЫ САҚТАУ МАҢЫЗДЫ
Қазақстандық салалық білім және ғылым қызметкерлері кәсіподағының Ақтөбе облыстық ұйымы өңірдегі жоғары және орта арнаулы оқу орындарына қоғамдық бақылау жүргізді. Мониторингтік топ өкілдері Қ.Жұбанов атындағы Ақтөбе өңірлік университеті мен Ақтөбе жоғары политехникалық колледжіне талапкерлерді қабылдау барысында санитарлық талаптардың қатаң сақталуын қадағалады.
Коронавирус инфекциясының таралуына жол бермеу-басты міндет. Қауіптің беті қайтқанымен, санитарлық талаптарды сақтау маңызды. Санитарлық-эпидемиологиялық талапқа сай, ғимараттың кіреберісіне кезекшілік қойылуы керек. Қызметкерлердің жұмысқа келгенде дене қызуы өлшеніп, антисептик, бетперде секілді қорғаныш құралдарымен қамтамасыз етілуі тиіс. Қызметкерлер мен оқу орнына құжат тапсыруға келген талапкерлердің арасында әлеуметтік арақашықтық сақталуы міндетті. Кезекті еңбек демалысына жіберу, еңбекақы төлеу, жұмыс орнын залалсыздандыру сияқты жұмыстар да қоғамдық бақылау тобының назарында болды. Мониторингтік тексеру қорытындысы бойынша аталған жоғары оқу орнында заңбұзушылықтар байқалған жоқ. Санитарлық сақтық іс-шаралары талапқа сай жүргізілуде.
Қазақстандық салалық білім және ғылым
қызметкерлері кәсіподағының Ақтөбе облыстық ұйымы
қызметкерлері кәсіподағының Ақтөбе облыстық ұйымы
-
Фото
-
