КӨҢІЛ АЙТАМЫЗ
Қазақстандық салалық білім және ғылым қызметкерлері кәсіподағының Атырау облыстық ұйымының жетекшісі болған Айбосынов Амангелді Кәрімұлы 80 жасқа қараған шағында дүниеден өтті.
Амангелді Кәрімұлы 1940 жылы Астрахань облысы Краснояр ауданында дүниеге келген. 1964 жылы Гурьев педагогикалық институтын бітірген соң, 1964 – 1975 жылдар аралығында Шығыс Қазақстан, Маңғыстау облыстарында және Ресейдің Астрахань облысында мұғалімдік қызмет атқарған. 1975 – 1982 жылдар аралығында Гурьев қалалық атқару комитетінде нұсқаушы, бөлім меңгерушісі болды. 1982 – 1988 жылдары Гурьев облыстық кәсіподақ кеңесінің нұсқаушысы, 1988 – 1990 жылдары білім беру және ғылым қызметкерлері кәсіподағы Орталық комитетінің Атырау облысы бойынша кәсіподақ ұйымдастырушысы. Атырау облыстық білім беру және ғылым қызметкерлері кәсіподағы облыстық комитетінің төрағасы және облыстық кәсіподақтар Федерациясы төрағасының орынбасары лауазымды қызметтерін атқарды.
Ұзақ жылғы халыққа білім беру мен кәсіподақ қызметіндегі абыройлы еңбегі үшін «ҚР білім беру ісінің үздігі», ҚР Кәсіподақтар Федерациясының «Кәсіподақ ардагері», «Кәсіподақтарға сіңірген еңбегі үшін», «Білім және ғылым қызметкерлерінің кәсіподағына сіңірген еңбегі үшін» төсбелгілерімен, ҚР Кәсіподақтар Федерациясының Құрмет грамоталарымен марапатталған.
Амангелді Кәрімұлының сала қызметкерлері үшін атқарған игілікті істері мен оның жарқын бейнесі жүрегімізде мәңгі сақталады. Марқұмның туыстары мен жақындарына қайғырып көңіл айтамыз.
