Аумақтық ұйымдардың жаңалықтары

2 маусым күні Білім беруді дамытудың инновациялық орталығы онлайн форматта Білім беру ұйымының жас басшысы мектебінің кезекті отырысын өткізді.
Мектеп отырысына "Қазақстандық салалық білім және ғылым қызметкерлері кәсіптік одағының Павлодар облыстық ұйымы" Қоғамдық бірлестігінің құқықтық мәселелер бойынша бас маманы Г.О. Джаркенова қатысты.
Гульшат Ораловна өзінің "Қазақстан Республикасының еңбек мәселелеріне байланысты заңнамалық актілеріне өзгертулер және толықтырулар енгізу туралы" баяндамасында еңбек қатынастарын реттеу, "еңбек дауы", "тәртіптік бұзушылық" түсініктеріне аса назар аударып, оларға анықтама берді. Заманауи талаптарға сәйкес жұмыс берушінің электрондық құжат түріндегі актілерді шығара алатындығына жеке тоқталды. Сонымен қатар еңбек заңнамасы саласындағы өзгертулер және "Педагог мәртебесі" заңының жүзеге асырылуы туралы айтты.
Мектеп жетекшісі А.А. Смаилканова мектептегі жергілікті-құқықтық актілер бойынша түсіндірді. Мектеп тыңдаушылары құжаттау ережелерін талқылап, істер номенклатурасының құрылымы мен оған қойылатын талаптарды және балалардың жазғы демалысын ұйымдастыру мәселесін жан-жақты қарастырды.
Отырыс соңында мектеп тыңдаушылары алынған ақпараттың тәжірибелік қолданылуы туралы пікір алмасып, кезекті "үй жұмысын" және екінші сабақтың әдістемелік-дидактикалық материалдарын алды.