Кәсіподақ белсенділерінің жұмысы
Бүгін, маусымның 1-і күні, Павлодар облыстық білім беру саласы кәсіптік одағына қарасты Жастар кеңесінің кезекті отырысы өтті. Аудандық және қалалық Жастар кеңесі төрағалары отырысқа онлайн режимінде қатысты. Отырыс қоғамдық ұйым төрайымы Г.Ә.Наурызбаеваның кіріспе сөзімен басталды. Гүлбарам Әуезханқызы барлық жас мамандарды кезекті еңбек демалысымен құттықтап, кәсіподақ жұмысында белсенділік танытып жүрген Жастар кеңесінің белсенділеріне Бурабайға жолдама берілетінін айтты.
Күн тәртібінде облыстық, Екібастұз қалалық, Щарбақты аудандық Жастар кеңестерінің есебі, болашақ мамандарға алғашқы бағдар, ұсыныстар мен өзге де сұрақтар болды. Отырыс барысында 2020 жылға арналған «Жас ұстаз» жол картасы бойынша атқарылған жұмыстардың нәтижесі шығарылды. Ағымдағы жылы облыстық Жастар кеңесінің логотипіне арналған сайыс ұйымдастырылды. Сайысқа Жастар кеңесінің белсенділері жарыса атсалысты. Қазылар алқасының шешімімен жүлделі 1 орынды Абильдинова А.Е. Павлодар қаласы, №43 ЖОМ, 2 орынды Абдужалилов С.У. ЦЗРДО «Павлодар Дарыны», 3 орынды Сеитов Н.М. Тереңкөл ауданы, А.Н.Елгин атындағы №1ЖОМ мұғалімі иеленді.
Ұлы Отан соғысының 75 жылдық мерейтойына орай Жастар кеңесінің белсенділерімен ұсынылған және ұйымдастырылған «Ұрпағыңнан тағзым» челенджі Ресей Федерациясы Новосібір облысының Машковский, Коченевский, Карасукский аудандарында жалғасын тапты.
Екібастұз қалалық Жастар кеңесі ағымдағы жылы жұмысын жүйелі әрі мазмұнды өткізді. Мемлекет басшысының «Қандай кітап оқисың?» челленджін қолдап шыққан жас мамандар «Волонтерлер жылына» арналған іс-шаралар жұмыла қатысты.
Сонымен қатар, қашықтықтан жұмыс жасаудың тиімді тұстары аталып өтілді. Жоспарға сай өткізілген және жоспарланған жұмыстар аталып, төтенше жағдайға байланысты атқарылатын жұмыстардың уақыты мен форматына өзгерістер енгізілді.
«Павлодар облыстық Қазақстандық салалық білім және
ғылым қызметкерлері кәсіптік одағының» баспасөз қызметі
-
Фото
-
