ҚУАНЫШ БӨЛІССЕ КӨБЕЙЕДІ
Қазақ еліне қуаныш сыйлап, Алматы облысында ағымдағы жылдың 28 сәуірінде дүниеге үшем келген болатын. Сүйіншілеткен жағдай Алматы облыстық білім және ғылым қызметкерлері кәсіподақ ұйымында бей-жай қалдырмады. Оған себепте бар.
Ескелді ауданы, Алдабергенов ауылы, М. Байысов атындағы орта мектептің ағылшын пәнінің мұғалімі, кәсіподақ белсендісі Маржан Мауленқызы шекесі торсықтай Әлинұр, Бекнұр, Ернұр есімді батырларды дүниеге әкеп, Иманғабұловтар отбасындағы қуанышты еселетті.
Үшемнің ата-анасы бұғанға дейін бір ұл, бір қыз тәрбиелеп, үлгілі отбасы атанған. Бір айға жуық дәрігерлер бақылауында болған үшемдіктер бүгін үйлеріне оралды.
Елге сыйлы жанұяның жақсылығымен ортақтаспақ ниетте облыстық ұйым төрағасының міндетін арқарушы Самал Бакированың бастамасымен Ескелді аудандық филиалының төрағасы Адия Айтбузинова үйлеріне барып, сәбилердің жағдайын біліп, ұстаздық жолда еңбек етіп жүрген жас анаға облыстық кәсіподақ ұйымы тарапынан материалдық көмек көрсетті.
Иманғабұловтар отбасының отағасы қуаныш бөліссе көбейетінін айтып, барлық келген жайдарлы жандарға алғысын білдірді.
-
Фото
-
